Միությունը սկսում է իր նոր՝ 5-ամյա Ռազմավարական պլանի մշակման աշխատանքները

Միությունը սկսում է իր նոր՝ 5-ամյա Ռազմավարական պլանի մշակման աշխատանքները

13.05.2020

Հայաստանի համայնքների միությունը գործարկում է իր նոր՝ Միության 2021-2025 թ.թ. Ռազմավարական պլանի մշակման աշխատանքները: Միությունը սկսում է այս գործընթացը՝ հաշվի առնելով, որ լրանում է գործող Ռազմավարական պլանի ժամկետը, ինչպես նաև COVID-19 թագավարակի համաճարակով պայմանավորված անորոշություններից խուսափելու և տարեկան աշխատանքային ծրագրերը նախապես պլանավորելու համար:

Այդ նպատակով Միությունն առաջիկայում կձևավորի աշխատանքային խումբ:

Արդեն իսկ հաստատվել է աշխատանքների ժամանակացույց:

Աշխատանքային խումբը պետք է կազմավորվի այնպես, որ դրա կազմում ապահովվի մարզային, գենդերային, քաղաք-գյուղ ներկայացուցիչների հավասարակշռվածություն, կուսակցական հավասարակշռվածություն, խմբում պետք է ներգրավվեն Միության մշտական հանձնաժողովների նախագահները (կամ տեղակալները), ինչպես նաև 2-ական ներկայացուցիչներ Ավագանիների համաժողովի և Համայնքային ծառայողների համաժողովի համակարգող խորհուրդներից։

Խմբի անհատական կազմը Վարչությունը կհաստատի Ռազմավարական պլանի մշակման ժամանակացույցով սահմանված ժամկետներում։

Տեղեկանք

Միությունը՝ որպես զարգացած ինստիուցիոնալ կազմակերպություն, ունի իր Ռազմավարական պլանը։ Իր գործունեության ողջ ժամանակահատվածում Միությունն ունեցել է և ունի նաև սպեցիֆիկ ռազմավարություններ (վերապատրաստումների, հաղորդակցության, ֆինանսական կայունության և այլն)։

Ռազմավարական պլաններ են մշակվել 2006-2010 թ.թ. համար, 2011-2015 թ.թ. համար։ Ներկայումս գործող 2016-2020 թ.թ. Ռազմավարական պլանը մշակվել է 2016 թվականի փետրվար-հուլիս ամիսների ընթացքում, Եվրոպայի խորհրդի կողմից ներգրավված փորձագետների աջակցությամբ։ Ռազմավարական պլանի մշակման համար Միության Հանրապետական խորհրդի անդամներից կազմավորվել էր աշխատանքային խումբ։ Ռազմավարության մշակմանն անմիջականորեն մասնակցել են 100-ից ավելի համայնքապետեր, իսկ նախագծերն ուղարկվել էին Հայաստանի բոլոր համայնքներին։

2016-2020 թ.թ. Ռազմավարական պլանը հաստատվել էր Միության Հանրապետական խորհրդի կողմից 2016 թվականի հուլիսի 28-ին։ 

2016-2020 թ.թ. Ռազմավարական պլանի իրագործման արդյունքների մասին քննարկումներ են կազմակերպվել Միության Վարչության 2019 թվականի նոյեմբերի 22-ի նիստում, ապա Միության Հանրապետական խորհրդի 2020 թվականի հունվարի 11-ի նիստում։

ՀՀՄ հանրային կապերի բաժին

 


ՆՈՐՈՒԹՅՈՒՆՆԵՐ

Անցկացվել է «ՀՀ-ում վարչատարածքային փոփոխություններ» թեմայով քննարկում
Անցկացվել է «ՀՀ-ում վարչատարածքային փոփոխություններ» թեմայով քննարկում

17:33

14 12 2020

Դեկտեմբերի 14-ին Հայաստանի համայնքների միության նախաձեռնությամբ անցկացվել է «ՀՀ-ում...

Քննարկվել են հետպատերազմական փուլում Հայաստանի համայնքների կարիքները
Քննարկվել են հետպատերազմական փուլում Հայաստանի համայնքների կարիքները

12:30

10 12 2020

Դեկտեմբերի 9-ին Հայաստանի համայնքների միության նախաձեռնությամբ անցկացվեց...

Տեղի է ունեցել ԵԽ Կոնգրեսի Կանոնադրական ֆորումի հեռավար նիստը
Տեղի է ունեցել ԵԽ Կոնգրեսի Կանոնադրական ֆորումի հեռավար նիստը

14:55

07 12 2020

Դետեմբերի 7-ին տեղի ունեցավ Եվրոպայի խորհրդի տեղական և տարածքային իշխանությունների կոնգրեսի...

Դեկտեմբերի 7-ը՝ երկրաշարժի զոհերի հիշատակի օր
Դեկտեմբերի 7-ը՝ երկրաշարժի զոհերի հիշատակի օր

11:08

07 12 2020

1988թ․ աղետալի երկրաշարժից 32 տարի է անցել: Աղետ, որը րոպեների ընթացքում ոչնչացրեց մեր քաղաքներն...

Տեղի է ունեցել «ԵՄ հանուն Հայաստանի կայուն էներգիայի» EU4ASEP ծրագրի ղեկավար կոմիտեի նիստը
Տեղի է ունեցել «ԵՄ հանուն Հայաստանի կայուն էներգիայի» EU4ASEP ծրագրի ղեկավար կոմիտեի նիստը

19:53

04 12 2020

Դեկտեմբերի 4-ին տեղի է ունեցել է  «ԵՄ հանուն Հայաստանի կայուն էներգիայի»...