Communities Association of Armenia

Տեղի է ունեցել ԵԽ Կոնգրեսի Կանոնադրական ֆորումի հեռավար նիստը

07.12.2020

Դետեմբերի 7-ին տեղի ունեցավ Եվրոպայի խորհրդի տեղական և տարածքային իշխանությունների կոնգրեսի (Կոնգրես) Կանոնադրական ֆորումի հեռավար նիստը:

Ֆորումին մասնակցել է Հայաստանի համայնքների միության նախագահ Էմին Երիցյանը, Ջերմուկ համայնքի ղեկավար Վարդան Հովհաննիսյանը:

Ֆորումի անդամները քննարկեցին քաղաքային և գյուղական համայնքների միջև փոխգործակցության զարգացման մասին զեկույցը, ինչպես նաև տեղական և տարածաշրջանային մակարդակում քաղաքականության մեջ կանանց նկատմամբ գենդերային խտրականության ու բռնության դեմ պայքարի մասին զեկույցը:

Ներկայացվեց նաև Լատվիայում տարածքային բարեփոխումների վերաբերյալ փաստահավաք զեկույցը:

Օրակարգային հարցերից էր նաև «Տեղական ինքնակառավարման եվրոպական խարտիայի բացատրական զեկույցի ժամանակակից մեկնաբանություն» թեմայով քննարկումը, որը հաշվի է առնում Նախարարների կոմիտեի, Կոնգրեսի,ԵԽ Խորհրդարանական վեհաժողովի կողմից ընդունված առաջարկություններն ու բանաձևերը, Վենետիկի հանձնաժողովի կարծիքները:

Ներկայացվեցին տեղական և տարածաշրջանային ընտրված ներկայացուցիչների համար մարդու իրավունքների ձեռնարկի երկրորդ հատորը:

ՆՈՐՈՒԹՅՈՒՆՆԵՐ

Հայաստանի համայնքների միության գլխավոր տնօրեն Արմեն Հարությունյանը մասնակցել է «Միջհամայնքային համագործակցության մասին» ՀՀ օրենքի նախագծի քննարկմանը