Գյումրու համայնքապետարանի աշխատակազմի համար անցկացվել է «ՏԻՄ ցանցային համագործակցության սկզբունքներ և գործիքներ» թեմայով վերապատրաստում
17.01.2022
Հունվարի 14-ին Գյումրու համայնքապետարանի նիստերի դահլիճում տեղի է ունեցել Հայաստանի համայնքների միության կողմից կազմակերպված «Հաղորդակցության ժամանակակից միտումները. ՏԻՄ ցանցային համագործակցության սկզբունքներ և գործիքներ» թեմայով համայնքային ծառայողների կարողությունների զարգացման վերապատրաստում:
Վերապատրաստմանը մասնակցել են Գյումրու և ՀՀ Շիրակի մարզի մյուս համայնքների աշխատակազմերի ներկայացուցիչներ: Դասընթացը վարել է Հայաստանի համայնքների միության հաղորդակցության պատասխանատու Տաթև Հարությունյանը:
Վերապատրաստումն իրականացվել է Վանաձորի, Գյումրու և Լեհաստանի Պիլա քաղաքի համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի շրջանակներում: Նշենք, որ այսպիսի սեմինար-վերապատրաստում արդեն անցկացվել է Վանաձորի համայնքապետարանի աշխատակազմի համար:
Գյումրու համայնքապետարանում տեղի ունեցած հանդիպման ընթացքում մասնակիցներին ներկայացվել են հաղորդակցության ձևերը, ժամանակակից միտումները, տրվել են հաղորդակցման հմտություններ, որոնք անհրաժեշտ են աշխատակազմի ներսում գրագետ հաղորդակցության, ինչպես նաև արտաքին լսարանի հետ առանց խոչընդոտների հաղորդակցություն կառուցելու համար:
Անդրադարձ է կատարվել ՏՒՄ ցանցային համագործակցության էությանը, անհրաժեշտությանը և գործիքներին, ներկայացվել են համակարգված գործունեության առավելությունները:
Հանդիպման եզրափակիչ փուլում կազմակերպվել է հարցուպատասխան, ներկայացվել են առաջարկություններ և թեմաներ, թե հետագայում ինչ դասընթացների կցանկանային մասնակցել համայնքների աշխատակազմերի ներկայացուցիչները:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ