ԵԽ տեղական ու տարածքային իշխանությունների Կոնգրեսում Հայաստանի պատվիրակության ղեկավար, Կոնգրեսի փոխնախագահ Էմին Երիցյանի հատուկ հայտարարությունը Կոնգրեսի Բյուրոյի 28-ը սեպտեմբերի 2020թ. նիստին

ԵԽ տեղական ու տարածքային իշխանությունների Կոնգրեսում Հայաստանի պատվիրակության ղեկավար, Կոնգրեսի փոխնախագահ Էմին Երիցյանի հատուկ հայտարարությունը Կոնգրեսի Բյուրոյի 28-ը սեպտեմբերի 2020թ. նիստին

28.09.2020

Հայտարարությանը հաջորդած քննարկմանը Բյուրոն իր աջակցությունը հայտնեց ԵԽ գլխավոր քարտուղարի հայտարարությանը։ Կոնգրեսի քարտուղարությունը տեղեկացրեց, որ շաբաթվա մեջ ռազմական կոնֆլիկտի հարցը քննարկվելու է ԵԽ նախարարների կոմիտեի նիստում։

Առաջարկվեց, որ Բյուրոն հետևի իրադարձությունների ընթացքին, հանդես գա հատուկ հայտարարությամբ։ Բյուրոյի անդամների առաջարկությամբ իրավիճակը կքննարկվի նաև Կոնգրեսի Կանոնադրական ֆորումի նիստին։

 

Հարգելի′ պարոն նախագահ,

Հարգելի′ գործընկերներ,

Սեպտեմբերի 27-ին, վաղ առավոտյան Ադրբեջանը խախտելով հրադադարի ռեժիմը, շփման գծի ողջ երկայնքով նախաձեռնել է լայնածավալ ռազմաօդային և հրետանային ագրեսիվ հարձակում, որի հետևանքով մարդկային կորուստներ և զգալի վնասներ են պատճառվել և պատճառվում Արցախի (Լեռնային Ղարաբաղի) խաղաղ բնակչությանը։

Ադրբեջանի խոշոր տրամաչափի հրետակոծության տակ է հայտնվել նաև Հայաստանի Հանրապետության Գեղարքունիքի մարզի Վարդենիս համայնքը։ Ադրբեջանի ագրեսիվ գործողությունների արդյունքում կան տասնյակ զոհեր, այդ թվում՝ երեխա, և հարյուրավոր վիրավորներ։

Առանց խտրականության (indiscriminate) Ադրբեջանի խոշոր տրամաչափի հրետակոծության տակ են հայտնվել քաղաքացիական ենթակառուցվածքներ, այդ թվում՝ դպրոցներ և տներ, առաջացնելով իրական վտանգ կանանց, երեխաների և խաղաղ բնակչության կյանքի ու առողջության համար:

Այս լայնամասշտաբ ագրեսիայի արդյունքում Հայաստանի բնակչության անվտանգության անմիջական սպառնալիքով պայմանավորված, նույն օրը՝ սեպտեմբերի 27-ին, ՀՀ կառավարությունը, ապա և պառլամենտը Հայաստանում հայտարարեցին ռազմական դրություն։ Այդպիսով, երեկվանից Հայաստանի տեղական իշխանությունները գործում են ռազմական դրության ռեժիմով սահմանված նորմերով։

Ադրբեջանի կողմից զինված ագրեսիան մարդու իրավունքների կոպիտ խախտումների ակնհայտ դրսևորումներ են, որոնք ուղղակիորեն ոտնահարում են Ժնևի կոնվենցիան և միջազգային մարդասիրական սովորութային իրավունքի նորմերը։

Այս հարձակումն իր մասշտաբներով աննախադեպ է։ Աննախադեպ է նաև նրանով, որ այն տեղի է ունենում Եվրոպայի խորհրդի մեկ այլ անդամ երկրի Թուրքիայի ռազմաքաղաքական անմիջական ներգրավվածութամբ ու աջակցությամբ։ Զինավարժությունների անվան տակ Ադրբեջան տեղափոխված Թուրքական զինուժն անմիջական մասնակցություն է ունենում ռազմական գործողություններին՝ այդ թվում թուրքական բանակի F-16 ռազմական կործանիչներով։

Հավաստի են նաև տվյալները, որ Թուրքիայի տարածքով Ադրբեջան են տեղափոխվել մի քանի հազար վարձկան Սիրիայից, որոնք մասնակցություն են ունենում այս ագրեսիային։

Այս ամենը վկայում է այն մասին, որ այս հարձակումը Ադրբեջանն ու Թուրքիան ծրագրավորվել էին նախապես և ամենայն մանրամասնությամբ։

Այսպիսով, այս ավանտյուրայի արդյունքում ոչ միայն Հայաստանը, այլև Եվրոպան ու ողջ միազգային հանրությունը ստիպված կլինի արձագանքել կոնֆլիկտի ռեգիոնալ և գլոբալ դառնալու մարտահրավերին։

Հայաստանի պատվիրակության անունից կոչ եմ անում Եվրոպայի խորհրդին և այլ շահագրգիռ միջազգային կազմակերպություններին, անհապաղ ձեռնարկել արդյունավետ միջոցներ՝ թուրք-ադրբեջանական ագրեսիան դադարեցնելու և տարածաշրջանային կայունությունը վերականգնելու նպատակով։

Եվրոպայի խորհրդի գլխավոր քարտուղար Մարիա Պայնովիչ-Բուրիչն արդեն հանդես է եկել հայտարարությամբ։

Ակնկալում ենք, որ Եվրոպայի խորհրդի և միջազգային հանրության միջամտությունը լինի շարունակական, ազդեցիկ և գործուն։

Առաջիկա օրերին ԵԽ տեղական ու տարածքային իշխանությունների Կոնգրեսում Հայաստանի պատվիրակությունը կտարածի հատուկ հայտարարություն Կոնգրեսում ազգային պատվիրակությունների շրջանում։

 


ՆՈՐՈՒԹՅՈՒՆՆԵՐ

Ֆրանսիայի Բուշ-դյու-Ռոն դեպարտամենտի խորհուրդը Արցախին սատարող բանաձև է ընդունել
Ֆրանսիայի Բուշ-դյու-Ռոն դեպարտամենտի խորհուրդը Արցախին սատարող բանաձև է ընդունել

16:32

27 10 2020

Ֆրանսիայի Բուշ-դյու-Ռոն դեպարտամենտի խորհուրդը միաձայն ընդունել է Արցախին սատարող հռչակագիր,...

ԱՄՆ-Հայաստան-Ադրբեջան համատեղ հայտարարություն
ԱՄՆ-Հայաստան-Ադրբեջան համատեղ հայտարարություն

14:54

26 10 2020

Հայաստանի արտգործնախարար Զոհրաբ Մնացականյանը և Ադրբեջանի արտգործնախարար Ջեյհուն Բայրամովը...

Ադրբեջանն Արցախի խաղաղ բնակչության նկատմամբ արգելված զենք է կիրառում
Ադրբեջանն Արցախի խաղաղ բնակչության նկատմամբ արգելված զենք է կիրառում

12:42

21 10 2020

Ադրբեջանը շարունակում է թիրախավորել Արցախի խաղաղ բնակավայրերը:

Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը
Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը

20:15

09 10 2020

Հոկտեմբերի 9-ին տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության...

ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը
ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը

11:21

02 10 2020

Եվրոպայի խորհրդի (ԵԽ) տեղական և տարածքային իշխանությունների կոնգրեսի նախագահ Անդերս Կնապեն իր...

Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ
Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ

11:08

02 10 2020

Հարգելի՛ հայրենակիցներ, ի հավելումն Հայաստանի Հանրապետության Ազգային անվտանգության...