Կկազմակերպվի Դաշնագրին անդամակցող համայնքների ներկայացուցիչների ճանաչողական այց Ուկրաինա
14.02.2020
«Քաղաքապետերի դաշնագիր՝ Արևելք» ծրագրի շրջանակներում Դաշնագրին անդամակցող համայնքների համար կկազմակերպվեն ճանաչողական այցելություններ Արևելյան գործընկերության (ԱլԳ) երկրների գործընկեր համայնքներ:
Ապրիլի 27-ից մայիսի 1-ը Գավառ, Տաշիր, Փարաքար, Իջևան և Գորիս համայնքների ներկայացուցիչները կայցելեն ուկրաինական Դոլինա և Լվով քաղաքներ:
Այցելությունների նպատակն է ստեղծել փորձի և գիտելիքների փոխանակման հնարավորություն Դաշնագրին անդամակցող «սկսնակ» (օրինակ՝ գործողությունների ծրագրեր մշակող կամ հաստատող) և «առաջադեմ» (օրինակ՝ գործողությունները արդեն իրականացնող և մշտադիտարկող) համայնքների միջև:
Տեղեկացնենք, որ համայնքները նախապես ներկայացրել են հայտեր, որոնք գնահատվել են աշխատանքային թիմի ղեկավարի, կարողությունների ամրապնդման համակարգողի և ծրագրի ազգային համակարգողի կողմից: Գնահատման արդյունքում ընտրվել են 5 համայնքներ՝ Գավառ, Տաշիր, Փարաքար, Իջևան և Գորիս:
Այցելություններին կմասնակցեն Դաշնագրին անդամակցող համայնքների մասնագետները:
Այցի ընթացքում կկազմակերպվեն հանդիպումներ էներգաարդյունավետության և վերականգնվող էներգիայի բնագավառում միջոցառումներ իրականացրած համայնքների, կազմակերպությունների ու մասնավոր կառույցների հետ, ինչպես նաև այցելություններ պիլոտային օբյեկտներ (օրինակ՝ ջերմամեկուսացված շենքեր կամ արևային կայաններ և այլն):
Հայաստանի համայնքների միությունը Դաշնագրի ազգային աջակիցներից է և գործընկեր կազմակերպությունը:
«Քաղաքապետերի դաշնագիր՝ Արևելքը» (CoM East) ծրագիրը ֆինանսավորվում է ԵՄ կողմից և իրականացվում է Արևելյան գործընկերության 6 երկրներում: Դաշնագրին միացել են ՀՀ 24 համայնքներ: Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը: Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ