«Տեղական իշխանությունների դերակատարությունը միշտ է աճելու». Սանկտ Պետերբուրգի Ֆինլանդսկի շրջանի ղեկավար Վսեվոլոդ Բելիկով
05.06.2020
Սանկտ Պետերբուրգի Ֆինլանդսկի շրջանի ղեկավար, Սանկտ Պետերբուրգի Քաղաքապետարանների խորհրդի նախագահ, ԵԽ Կոնգրեսում ռուսական պատվիրակության ղեկավարի տեղակալ, Կոնգրեսի Տեղական իշխանությունների պալատի ներկայացուցիչ, Մոնիտորինգի հանձնաժողովի փոխնախագահ Վսեվոլոդ Բելիկովը Հայաստանի համայնքների միության «Առցանց հարցազրույցներ» շարքի հյուրն է: Նա ներկայացրեց, թե ինչպես են Սանկտ Պետերբուրգի շրջաններն այս օրերին պայքարում COVID-19 համավարակի դեմ, ինչ սահմանափակումներ են կիրառվում, ի՞նչ ծրագրեր են իրագործում տեղական իշխանությունները համավարակի հետևանքները մեղմելու համար:
Վսեվոլոդ Բելիկովը վստահեցրեց՝ ՌԴ տեղական և դաշնային իշխանությունների գերխնդիրն այսօր մարդկանց կյանքի, անվտանգության ապահովումն է:
Նա ներկայացրեց, թե ինչպես են Սանկտ Պետերբուրգի շրջաններն այս օրերին առցանց եղանակով կազմակերպում քաղաքացիների սպասարկումը և հավաստիացրեց՝ տեղական իշխանությունների դերակատարությունը գնալով աճելու է. «Տեղական իշխանությունների դերակատարությունը միշտ է աճելու: Տեղական իշխանությունն այն հարթակն է, որի վրա ստեղծվում է իրավական քաղաքացիական հասարակությունը, և երբեք մարզպետը՝ թեկուզ աշխատի օրական 24, 34 ժամ, միևնույն է, չի կարող մտնել ամեն մուտք, ամեն բակ, և յուրաքանչյուր խնդրի մեջ: Դրա համար աշխատում են տեղական իշխանությունները, համայնքային ծառայողները, որոնք հասանելի են յուրաքանչյուր բնակչի համար»:
Խոսելով ընդհանրապես տեղական իշխանության դերակատարության մասին՝ պարոն Բելիկովը նշեց՝ առաջին հերթին տեղական իշխանությունները պետք է ապահովեն համայնքի բնակիչների հետ հետադարձ կապը՝ հատկապես պանդեմիայի ժամանակահատվածում. «Տեղական իշխանությունը յուրաքանչյուր բնակչի, բնակչության բոլոր խմբերի մասին հոգ տանող իշխանությունն է: Այն պետք է բնակչին խրախուսի համագործակցել: Տեղական իշխանությունները բոլոր խնդիրների ամենասուր կետերում են և, ամենակարևորը, նրանք չպետք է աչքերը փակեն խնդիրների վրա, այլ բարձրաձայնեն ու լուծեն դրանք, իսկ եթե լիազորությունները բավարար չեն, պահանջեն լրացուցիչ լիազորություններ»:
Վսեվոլոդ Բելիկովն ամփոփեց. «Բնակիչը պետք է իմանա, որ տեղական իշխանությունն իրենն է, իշխանությունը հենց ինքն է և ունենա այն գիտակցությունը, որ այդ իշխանությանը հենց իրենք են ընտրել և միասին համագործակցաբար պետք է ճանապարհ անցնել»:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ