Փետրվարի 19-ին տեղի է ունեցել Հայաստանի համայնքների միության վարչության նիստը:

Վարչության նիստի ընթացքում Հայաստանի համայնքների միության Վարչության անդամներին է ներկայացվել Միության 2020 թվականի գործունեության արդյունքները, Միության 2017-2019 թ.թ. ֆինանսական գործունեության աուդիտի արդյունքները։

Քննարկվեց Միության նոր ռազմավարության, Միության ինստիտուցոնալ արդիականացման նպատակով աշխատանքային խումբ ձևավորելու հարցը։

Անդրադարձ է կատարվել 2020 թ.թ. Միության կողմից մշակված և ՀՀ կառավարությանը ներկայացված «Հայաստանում ապակենտրոնացման ռազմավարության» և «Հայաստանում կենտրոնական ու տեղական իշխանությունների միջև խորհրդակցությունների մեխանիզների վերաբերյալ» հայեցակարգերի նախագծերին, ինչպես նաև 2020 թվականի ընթացքում օրենսդրական նախաձեռնություններին։

Նիստի ընթացքում քննարկվել են ակտուալ իրավական, օրենսդրական ու քաղաքականությունների վերաբերյալ հարցեր:

Վարչության անդամներին է ներկայացվել 2021 թվականին ռազմական դրության պայմաններում մի շարք համայնքների ղեկավարների ու ավագանիների լիազորությունների ժամկետի ավարտի ու ընտրությունների անցկացման արգելիքի մասին Հայաստանի համայնքների միության մշակած օրենսդրական փոփոխության նախագիծը:

Միության Վարչության անդամներին ներկայացվել է նաև ՀՀ «Վարչատարածքային բաժանման մասին օրենքում փոփոխությունների մասին» նախաձեռնության ու դրա ընթացքի մասին տեղեկատվություն:

Քննարկվել են նաև «Տեղական ինքնակառավարման մասին» ՀՀ օրենքում 2020 թվականի հունիսի 18-ի փոփոխությունների հետևանքով մի շարք համայնքների ղեկավարների ընտրվելու սահմանադրական իրավունքի սահմանափակումների մասին հարցին:

Վարչության նիստի ընթացքում քննարկվել են նաև մի շարք կազմակերպչական հարցեր: