Ապրիլի 9-ին Վանաձորի համայնքապետարանում տեղի է ունեցել աշխատանքային հանդիպում՝ Եվրոպական միության կողմից ֆինանսավորվող «Դաշինք՝ հանուն կայուն և կանաչ կառավարման» ծրագրի շրջանակներում:

Հանդիպմանը ներկա էին Հայաստանի համայնքների միության նախագահ Էմին Երիցյանը, «Ուրբան» հիմանդրամի գործադիր տնօրեն Նունե Ղազախեցյանը, «Ուրբան» հիմանդրամի հոգաբարձուների խորհրդի նախագահ Արմեն Վարոսյանը,  հիմնադրամի «Քաղաքականություն, մասնակցություն, մշտադիտարկում» թիմի ղեկավար Հայաստան Ստեփանյանը:

Արմեն Վարոսյանը ներկայացրել է ծրագրի հիմնական բաղադրիչները։

«Դաշինք հանուն կայուն և կանաչ կառավարման» ծրագրի ղեկավար Նատալյա Լափաուրիի, Վանաձորի և Գյումրիի աշխատանքային խմբերի, Վանաձորի համայնքապետարանի աշխատակիցների հետ քննարկվել են ծրագրի օրակարգային հարցեր,  սահմանվել ծրագրի մեկնարկային առաջնահերթությունները։

Վանաձորի համայնքապետարանի, Գյումրու համայնքապետարանի և Լեհաստանի Պիլա քաղաքի համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» ծրագիրը մեկնարկել է 2021թ. փետրվարի 1-ից։

Ծրագրի նպատակն է նպաստել Վանաձորի և Գյումրու քաղաքային կայուն կառավարմանը՝ ոլորտում քաղաքականության և ընթացակարգերի, ծառայությունների որակի բարելավման, ինչպես նաև Լեհաստանի (ԵՄ) Պիլա համայնքի հետ գործընկերային փորձի փոխանակման միջոցով։