«ԵՄ կայուն էներգիայի օրերի կազմակերպումը տեղական մակարդակում՝ Հայաստանի օրինակով» վեբինար՝ Դաշնագրին անդամակցող համայնքների մասնակցությամբ

«ԵՄ կայուն էներգիայի օրերի կազմակերպումը տեղական մակարդակում՝ Հայաստանի օրինակով» վեբինար՝ Դաշնագրին անդամակցող համայնքների մասնակցությամբ

18.06.2021

Հունիսի 18-ին ԵՀ «Քաղաքապետերի դաշնագիր՝ Արևելք» ծրագրի շրջանակներում կազմակերպվել է «ԵՄ կայուն էներգիայի օրերի կազմակերպումը տեղական մակարդակում» առցանց վեբինար:

Վեբինարին մասնակցել են «Քաղաքապետերի դաշնագիր՝ Արևելք» ծրագրին անդամակցող համայնքների ներկայացուցիչները:

Քննարկվել են «ԵՄ կայուն էներգիայի շաբաթ-2021» -ի հետ կապված կազմակերպչական հարցեր, կայուն էներգետիկ օրերի անցկացման գաղափարներ, նախորդ տարիների փորձառության հետ կապված դիտարկումները և այլն:

Հայաստանի համայնքների միության գործադիր տնօրենի տեղակալ Արաքս Միքայելյանն իր ողջույնի խոսքում փաստել է՝ տարեցտարի աճում է համայնքների մասնակությունը ԵՄ կայուն էներգիայի օրերին: Նա նաև նշել է, որ ընդհանուր փորձը միջոցառումների անցկացման դեպքում ապացուցում է, որ այդ միջոցառումները ոչ միայն ծառայում են համայնքների իրազեկվածության բարձրացմանը նշված թեմաներով, այլև ընդհանրապես համայնքային կյանքի զարգացմանը, երիտասարդ, ակտիվ մասնագետների՝ համայնքային կյանքին ինտեգրմանը:

«Քաղաքապետերի դաշնագիր՝ Արևելք» ծրագրի ազգային փորձագետ Հայաստանում Արտեմ Խարազյանը նշել է, որ իրազեկումը և կարողությունների ամրապնդումն ընդհանրապես Քաղաքապետերի դաշնագրի՝ որպես խոշորագույն նախաձեռնության հիմնական գործողություններից մեկն է: Այն մեկն է այն պարտավորություններից, որ ստանձնել են համայնքները՝ միանալով Դաշնագրին: ԵՄ «Քաղաքապետերի դաշնագիր՝ Արևելք» ծրագրի հաղորդակցության փորձագետ՝ Հայաստանում Տաթևիկ Հարությունյանը «ԵՄ կայուն էներգիայի օրերի կազմակերպումը տեղական մակարդակում՝ Հայաստանի օրինակով» ցուցադրության միջոցով ներկայացրել է նախորդ տարիներին անցկացված կայուն էներգետիկ օրերի արդյունքներն ու կայուն էներգիայի կազմակերպման գաղափարներ:

Հարցուպատասխանի փուլում Դաշնագրին անդամակցող համայնքների ներկայացուցիչները որոշ առաջարկներ են ներկայացրել: Համայնքների ներկայացուցիչներն իրենց գոհունակությունն են հայտնել, որ 2021-ին ԵՄ կայուն էներգիայի շաբաթն անցկացվելու է հոկտեմբերի 25-29-ը ի տարբերություն նախորդ տարիների, երբ այն անցկացվում էր հունիսին: Նրանք փաստել են, որ հոկտեմբերին բոլոր ուսումնական հաստատություններն աշխատում են, ուստի ավելի հեշտէ լինելու աշխատել նրանց հետ: Նաև նշել են՝ ցանկալի կլիներ, որ ուղեցույցներ տրամադրվեին համայնքներին այն մասին, թե ինչ շեշտադրումներ պետք է կատարվեն միջոցառումների կազմակերպման հարցում: Առաջարկներ են հնչեցին, թե ինչ ձևաչափերով միջոցառումներ կազմակել, շատ համայնքներ արդեն ունեն միջոցառումների ցանկեր: Նաև առաջարկ է հնչել պահպանել առցանց ձևաչափը:


ՆՈՐՈՒԹՅՈՒՆՆԵՐ

ՀՀ ԿԸՀ-ն սահմանել է 2021թ․ՏԻՄ հերթական ընտրությունների քվեարկության օրերը
ՀՀ ԿԸՀ-ն սահմանել է 2021թ․ՏԻՄ հերթական ընտրությունների քվեարկության օրերը

10:29

23 07 2021

ՀՀ Կենտրոնական ընտրական հանձնաժողովը (ԿԸՀ) հուլիսի 22-ին կայացած արտահերթ նիստի ընթացքում...

Դրամաշնորհային մրցույթ՝ ուղղված համայնքների կողմից տեղական նախաձեռնությունների իրականացմանը
Դրամաշնորհային մրցույթ՝ ուղղված համայնքների կողմից տեղական նախաձեռնությունների իրականացմանը

14:32

20 07 2021

«Հայաստանի համայնքների միության հզորացում  և թափանցիկ ու մասնակցային տեղական...

ԵՀ «Քաղաքապետերի դաշնագիր» նախաձեռնությունն ամփոփում է 10-ամյա գործունեության արդյունքները
ԵՀ «Քաղաքապետերի դաշնագիր» նախաձեռնությունն ամփոփում է 10-ամյա գործունեության արդյունքները

15:22

13 07 2021

Այս տարի ԵՀ «Քաղաքապետերի դաշնագիր» նախաձեռնությունն ամփոփում է գործունեության...

Տեղի է ունեցել Քաղաքապետերի դաշնագրի ակումբի երկրորդ հանդիպումը և ԵՀ «Քաղաքապետերի դաշնագիր՝ Արևելք» ծրագրի ամփոփիչ աշխատաժողովը
Տեղի է ունեցել Քաղաքապետերի դաշնագրի ակումբի երկրորդ հանդիպումը և ԵՀ «Քաղաքապետերի դաշնագիր՝ Արևելք» ծրագրի ամփոփիչ աշխատաժողովը

21:00

06 07 2021

Հուլիսի 6-ին Երևանում տեղի է ունեցել Քաղաքապետերի դաշնագրի ակումբի հանդիպումը և ԵՀ...

Պետական կառավարման ամբողջականության, թափանցիկության և հաշվետվողականության թեմայով աշխատաժողովներ՝ համայնքների ներկայացուցիչների համար
Պետական կառավարման ամբողջականության, թափանցիկության և հաշվետվողականության թեմայով աշխատաժողովներ՝ համայնքների ներկայացուցիչների համար

12:05

29 06 2021

Եվրոպայի խորհրդի տեղական և տարածքային իշխանությունների կոնգրեսի (Կոնգրես) կողմից Հայաստանում...