Council of Europe Congress to examine the application of the European Charter of Local Self-Government in Armenia

«Պատրաստ ենք աջակցել Հայաստանի և Վրաստանի համայնքների միջև միջսահմանային համագործակցությանը». ՄԱԿ-ի զարգացման ծրագրի մշտական ներկայացուցիչ Լուիզա Վինտոնի

20.02.2020

Թբիլիսիում փետրվարի 20-ին անցկացվում է Տեղական տնտեսական զարգացման ֆորումը: Մասնակցում են Հայաստանի և Վրաստանի սահմանային համայնքների ղեկավարներ, ասոցիացիաների և քաղհասարակության ներկայացուցիչներ:

Ֆորումի մասնակիցերին ողջունեց ՄԱԿ-ի զարգացման ծրագրի մշտական ներկայացուցիչ Լուիզա Վինտոնին: Նա բարձր գնահատեց Վրաստանի և Հայաստանի համայնքների միջև համագործակցությունը և ընդգծեց, որ պետք է օգտագործել երկու երկրներում եղած հնարավորություններն ու պոտենցյալը:

Լուիզա Վինտոնին հատկապես կարևորեց տնտեսական զարգացման հարցում միջսահմանային համագործակցությունը և վստահեցրեց՝ ՄԱԿ-ի զարգացման ծրագիրը պատրաստակամ է աջակցել միջսահմանային համագործակցության նախաձեռնություններ: Եվ ամփոփեց. «Այս ֆորումը Հայաստանի և Վրաստանի համայնքների ղեկավարներին և ասոցիացիաների համար լավ հնարավորություն է քննարկել և համատեղ մշակել միջսահմանային համագործակցության ծրագրեր և նախաձեռնություններ: Իսկ մենք պատրաստ ենք աջակցել նման նախաձեռնությունները»:

Ֆորումին մասնակցում է Հայաստանի համայնքների միության պատվիրակությունը՝ Միության նախագահ Էմին Երիցյանի գլխավորությամբ: Պատվիրակության կազմում են Վանաձորի քաղաքապետ Մամիկոն Ասլանյանը, Իջևանի քաղաքապետի ժ/պ Հայկ Ղալումյանը, Տաշիրի քաղաքապետ Մհեր Արշակյանը, Այրում համայնքի ղեկավար Արայիկ Պարոնյանը, Կողբ համայնքի ղեկավար Արսեն Աղաբաբյանը, Նատալյա Լափաուրի, Եվրոռեգիո «Եվրոկովկաս», Ախթալայի Նուռիկ համայնքային կենտրոնի ներկայացուցիչ Վազգեն Խաչիկյանը: Ֆորումի նպատակն է Հայաստանի և Վրաստանի սահմանային համայնքների ղեկավարների, քաղհասարակության ներկայացուցիչների հետ քննարկել և մշակել միջսահմանային համագործակցության ծրագրեր, հասկանալ, թե ինչ տիպի համագործակցություն է անհրաժեշտ, որպեսզի օգտագործվեն համատեղ տնտեսական հնարավորությունները: