Խորհրդարանական լսումներ՝ «ՀՀ վարչատարածքային բաժանման մասին» օրենքում առաջարկվող փոփոխությունների ու լրացումների հարցով
12.03.2020
Մարտի 12-ին տեղի ունեցան խորհրդարանական լսումներ՝ «ՀՀ վարչատարածքային բաժանման մասին» օրենքում առաջարկվող փոփոխությունների ու լրացումների հարցով:
Լսումներին մասնակցեցին համայնքների, հասարակական ու միջազգային կազմակերպությունների ներկայացուցիչներ, ոլորտի պատասխանատուներ: Մասնակցեց նաև Հայաստանի համայնքների միության նախագահ Էմին Երիցյանը:
ՀՀ ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական Հանձնաժողովի նախագահ Վարազդատ Կարապետյանը նշեց, որ քննարկումների առանցքում է Տավուշի մարզի Իջեւան եւ Լոռու մարզի Լերմոնտովո համայնքների միավորման հարցը: Նրա խոսքով՝ Հայաստանն այլ տարբերակ չունի, քան ապակենտրոնացումն է: Քննարկվեցին նաեւ ֆինանսական համահարթեցման մասին օրենսդրական փոփոխությունների հնարավորությունները:
Նա կարեւորեց շարունակական ապակենտրոնացումը եւ համայնքների միավորման գործընթացում խորհրդարանի դերը:
ՀՀ տարածքային կառավարման եւ ենթակառուցվածքների նախարարության տեղական ինքնակառավարման քաղաքականության վարչության պետ Աշոտ Գիլոյանը հիմնական ելույթում նշեց, որ գործադիրը վարչատարածքային բարեփոխումների շարունակականության ապահովմամբ պայմանավորված առաջարկել է փոփոխություններ ու լրացումներ կատարել «ՀՀ վարչատարածքային բաժանման մասին» եւ «Տեղական ինքնակառավարման մասին» օրենքներում: Այս համատեքստում նա անդրադարձավ Տավուշի մարզի Իջեւան եւ Լոռու մարզի Լերմոնտովո համայնքների միավորմանը:
Խորհրդարանականները, ոլորտի պատասխանատուները, քաղաքացիական հասարակության ներկայացուցիչներն իրենց ելույթներում հարցադրումներ արեցին խոշորացման գործընթացի դրական եւ խնդրահարույց կողմերի վերաբերյալ:
Էմին Երիցյանը փաստելով, որ նախագծում ունենք երկու դեպք՝ մեկը շրջանային տարբերակով, մյուսը կետային, հարցրեց՝ արդյոք սա նշանակո՞ւմ է, որ մենք դեռևս հինգ տարի հետո էլ չունենք միասնական հայեցակարգ, թե ինչ ենք ուզում փոփոխել։ Էմին Երիցյանը խնդրեց նշել, թե նախկին խոշորացման ժամանակ ինչ սխալներ են եղել և որոնք են ձեռքբերումները: Նաև հետաքրքրվեց ՝ խորհրդարանական լսումներին մասնակցո՞ւմ են Իջևանի տարածաշրջանի 19 խոշորացվող համայնքների ներկայացուցիչները:
Էմին Երիցյանը նաև հետաքրքրվեց՝ կա՞ն արձանագրված փաստաթղթեր համայնքների բնակիչների հետ հանդիպումների վերաբերյալ, որտեղ երևում է նրանց կարծիքը:
ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանն ու հանձնաժողովի նախագահ Վարազդատ Կարապետյանն իրենց ելույթներում անդրադարձան հնչած կարծիքներին ու գնահատականներին, խոսեցին խոշորացման ընձեռած հնարավորությունների մասին:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
22
Nov
26
Oct
25
Oct