Եվրոպայի խորհրդի Կոնգրեսի 32-րդ նստաշրջանի (մարտի 28-30) օրակարգում նախատեսված են մի քանի քննարկումներ, որոնք վերաբերում են միգրացիայի, միգրանտ միայնակ երեխաների ընդունման հարցում տեղական իշխանությունների դերին, ինչպես նաև միգրացիոն հոսքերի ժամանակ սահմանային ռեգիոններին: 

Կոնգրեսը կուսումնասիրի նաև տեղական և ռեգիոնալ ժողովրդավարության իրավիճակը Ֆինլանդիայում, տեղական ժողովրդավարության իրավիճակը Մալթայում, Էստոնիայում և Իսլանդիայում, ինչպես նաև Բոսնիայում և Հերցեգովինայում տեղական ընտրությունների դիտորդության վերաբերյալ զեկույց (2016թ. հոկտեմբեր): Բացի այդ, Թուրքիայում 2016թ. հոկտեմբեր և դեկտեմբեր ամիսներին կատարված փաստահավաք առաքելությունից հետո Կոնգրեսի անդամները կընդունեն այդ երկրում իրավիճակի վերաբերյալ զեկույց և, մասնավորապես, ընտրված համայնքապետների կալանավորման և կառավարության կողմից նրանց փոխարինող նշանակված  անձանց վերաբերյալ: Օրակարգում ներառված է նաև Տեղական և ռեգիոնալ մակարդակներում ընտրական գործընթացների ժամանակ վարչական ռեսուրսների չարաշահման կանխարգելման ստուգացուցակի հաստատում, ինչպես նաև թեմատիկ քննարկումներ՝ քաղաքացիական մասնակցության, երիտասարդների ինքնուրույնության և աշխատատեղերին հասանելիության, տեղական և ռեգիոնալ մակարդակներում մարդու իրավունքների և հակագնչուականության դեմ պայքարի վերաբերյալ: Հարավ-միջերկրածովյան գործընկերության շրջանակներում Կոնգրեսը կհյուրընկալի երկու պատվիրակություն Մարոկկոյից և Թունիսից: 32-րդ նստաշրջանը կնշի նաև Եվրոպական տեղական ժողովրդավարության շաբաթի 10-ամյակը:

Աղբյուրը՝ http://www.coe.int/t/congress/default_EN.asp?