Եվրոպական հանձնաժողովը և Եվրոպական կլիմայի, ենթակառուցվածքների և շրջակա միջավայրի գործադիր գործակալությունը (European Climate, Infrastructure and Environment Executive Agency - CINEA) համագործակցում են՝ իրականացնելու Scalable Cities Action Grant (Քաղաքների ընդլայնվող գործողություններ) դրամաշնորհային ծրագիրը:

Ծրագիրը ֆինանսապես աջակցում է քաղաքներին և նպատակային համագործակցությանը, որոնց նպատակն է կրկնօրինակել այն միջոցառումները, որոնք հաջողությամբ իրականացվել են Smart Cities and Communities - SCC (Խելացի քաղաքներ և համայնքներ) ծրագրերի միջոցով՝ աջակցելով համայնքների անցումը դեպի կլիմայական չեզոքություն:

Ներկայումս հայտարարված դրամաշնորհային հրավերն ուղղված է քաղաքներին և հարակից գործընկերներին, (տեղական էներգետիկ գործակալություններ, շինարարական գործակալություններ, քաղաքացիական հասարակության կազմակերպություններ, գիտահետազոտական ինստիտուտներ) որոնք մասնակցել են ավարտված «Horizon 2020 SCC01 Lighthouse» ծրագրերին և/կամ ծրագրին չմասնակցած այն քաղաքներին, որոնք հետաքրքրված են կրկնօրինակել «Scalable Cities» նախաձեռնության շրջանակներում իրականացված հատուկ գործողությունները կամ միջոցառումները:

Դրամաշնորհային ծրագիրն իրականացվում է Եվրոպական հանձնաժողովի և CINEA-ի հետ համագործակցությամբ: ԵՀ-ն հստակ նպատակ է դրել՝ էներգետիկայի, տրանսպորտի և տեղեկատվական ու հաղորդակցական տեխնոլոգիաների ոլորտներում լայնածավալ, նորարարական, կրկնօրինակելի և ինտեգրված լուծումներ կիրառելու, ինչպես նաև խթանելու լայնածավալ տնտեսական ներդրումներ շուկան փոխակերպելու նպատակով:

Գործողությունների դրամաշնորհը կազմակերպվում է առաջարկությունների ներկայացման չորս հրավերների միջոցով՝ տարբեր թեմաների համար սահմանված չորս վերջնաժամկետներով:

Առաջարկությունների ներկայացման երկրորդ հրավերը, որը ներկայումս հայտարարված է, նպատակ ունի դիտարկել հետևյալ հիմնական առաջնահերթ թեմաները.

ա) Կառավարման համակարգային փոփոխություններ

բ) Կրթություն, վերապատրաստում և կարողությունների զարգացում

գ) Տվյալներ և թվայնացում

Հրավերի նպատակներն են.

• բարելավել և օպտիմալացնել ներքին քաղաքային կառավարման կառույցները և/կամ
• աջակցել գիտելիքների փոխանցմանը SCC ծրագրերից մասնակից քաղաքներին՝ կրթական գործունեության և ծրագրերի մշակման և/կամ իրականացման միջոցով և/կամ,
• արագացնել էներգետիկ ոլորտի թվայնացումը, ինչը կարող է օգնել քաղաքապետարաններին նվազեցնել իրենց էներգիայի սպառումը, խթանել ներդրումները վերականգնվող էներգիայի ոլորտում և, ի վերջո, նվազեցնել էներգիայի ծախսերը:

Ծրագրի այս փուլի (սույն հրավերի) համար հասանելի ընդհանուր բյուջեն կազմում է 336.000 եվրո: Մեկ ծրագրի համար դրամաշնորհի առավելագույն գումարը կազմում է 50.000 եվրո:

Առաջարկների ընդունման 2-րդ մրցույթի վերջնաժամկետն ավարտվում է 2023 թվականի մայիսի 31-ին:

Ավելին՝ այստեղ։