Եվրոպայի խորհրդի տեղական և տարածքային իշխանությունների կոնգրեսի պատվիրակությունն անցկացրել է հեռավար հանդիպում Լյուքսեմբուրգի տեղական  և տարածքային իշխանությունների ներկայացուցիչներ հետ՝ գնահատելու՝ ինչպես է իրականացվում Տեղական ինքնակառավարման եվրոպական խարտիայի դրույթների կիրառումը: 

Լյուքսեմբուրգին վերաբերող մոնիտորինգային զեկույցը Կոնգրեսն ընդունել է 2015 թվականին:

Հեռավար հանդիպումներ են տեղի ունեցել Լյուքսեմբուրգի ներքին գործերի նախարարի, Պատգամավորների պալատի նախագահի, ՍԴ նախագահի, Լյուքսեմբուրգի մարդու իրավունքների պաշտպանի հետ:

ԵԽ կոնգրեսի զեկուցողները հեռավար հանդիպումներ են ունեցել նաև Կոնգրեսում Լյուքսեմբուրգի ազգային պատվիրակության անդամների, Լյուքսեմբուրգի քաղաքների և համայնքների միության անդամների (SYVICOL) հետ:

Հայաստանը Տեղական ինքնակառավարման եվրոպական խարտիան վավերացրել է 2002 թվականին: Խարտիան վավերացնող երկրները ստանձնում են հանձնառություն իրագործել փաստաթղթի դրույթները: Խարտիան պահանջում է նվազագույն իրավունքների կիրառում, որոնք կազմում են Եվրոպայում տեղական ինքնակառավարման էական հիմքը: Եվրոպայի խորհրդի տեղական և տարածքային իշխանությունների կոնգրեսը վստահեցնում է, որ այս սկզբունքները հարգվում են բոլոր անդամ երկրներում: