ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը
02.10.2020
Եվրոպայի խորհրդի (ԵԽ) տեղական և տարածքային իշխանությունների կոնգրեսի նախագահ Անդերս Կնապեն իր մտահոգությունն է հայտնել Թուրքիայում տեղական ժողովրդավարությանը հասցված հերթական հարվածի առիթով:
Կոնգրեսի նախագահի տարածած հայտարարության մեջ նշված է. «Ես խորապես մտահոգված եմ վերջին օրերին Թուրքիայում ժողովրդավարական ճանապարհով ընտրված ընդդիմության ներկայացուցիչների շարունակական ձերբակալությունների կապակցությամբ, հատկանշական է Կարսի համայնքապետ Այհան Բիլգենի ձերբակալությունը, որը Կոնգրեսի անդամ է»:
Անդերս Կնապեն նշել է, որ առավոտյան լուրեր է ստացել նաև հետագա ձերբակալությունների մասին, այդ թվում փոխքաղաքապետ Սևին Ալաքայի ձերբակալության մասին: ԵԽ Կոնգրեսի նախագահը նշել է. «Ցավոք, Թուրքիայի իշխանությունների որոշումը պարոն Բիլգենին իր աշխատասենյակից վտարելու մասին ՝ ահաբեկչական ենթադրյալ կապերի հիմքով, երկրում տեղական ինքնակառավարումը խարխլելու և միլիոնավոր ընտրողներին ընտրություններում իրենց կամքն արտահայտելու իրավունքից զրկելու հերթական փորձն է: Կոնգրեսը բազմիցս դատապարտել է Թուրքիայում դատական գործընթացների օգտագործումը ընդդեմ տեղական ընտրված ներկայացուցիչների և նրանց փոխարինումը պետության կողմից նշանակված անձանցով»:
Անդերս Կնապեն տեղեկացրել է, որ Թուրքիայում 2019 թ.-ին տեղի ունեցած տեղական ինքնակառավարման մարմինների ընտրությունների դիտարկմանն ընդառաջ Կոնգրեսը այս լուրջ հարցը ներկայացրել է Վենետիկի հանձնաժողովի ուշադրությանը, որը 2020 թ. հունիսի 18-ին ընդունված իրավական եզրակացության մեջ ամրագրեց, որ դա խախտում է Թուրքիայի կողմից ստանձնած միջազգային պարտավորությունները:
Այնուհետև Անդերս Կնապեն ամփոփել է. «Տեղական ժողովրդավարությանը վերջին հարվածի ֆոնին
Թուրքիայի պետական իշխանությունները պետք է փոխեն իրենց քաղաքականությունը և իրականացնեն Վենետիկի հանձնաժողովի առաջարկությունները `չեղյալ համարելով տեղական ընտրված ներկայացուցիչներին իրենց գրասենյակից հեռացնելու որոշումները»:
18:52
29 08 2025
Օգոստոսի 28-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...
18:37
29 08 2025
Օգոստոսի 28-ին Աբովյանի երեխաների աջակցության կենտրոնում կազմակերպված պարգևատրման արարողության...
18:28
29 08 2025
Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից...
18:39
26 08 2025
Իջևանի համայնքապետարանում օգոստոսի 25-ին «Քաղաքապետերի դաշնագիր՝ Արևելք» ծրագրի...
17:47
26 08 2025
Օգոստոսի 25-ին «Արթիկի երիտասարդների տուն» կենտրոնում կազմակերպված պարգևատրման...
14:43
26 08 2025
Օգոստոսի 25-ին Թալին համայնքում «Քաղաքապետերի դաշնագիր՝ Արևելք» ծրագրի կողմից...
22
Nov
26
Oct
25
Oct