2024 թվականի հունիսի 11-ից 13-ին նշվող ԵՄ Կայուն էներգիայի շաբաթվա (EU Sustainable Energy Week) շրջանակներում «Աբովյանի երեխաների աջակցության կենտորոն» ՀՈԱԿ-ում կազմակերպվել էր բացօթյա բնապահպանական, դաստիարակչական միջոցառում:

Նշենք, որ Աբովյանի համայնքապետարանը Քաղաքապետերի դաշնագիր նախաձեռնությանն է միացել 2018-ին։

Աբովյանի երեխաների աջակցության կենտրոնի սաները ակտիվորեն մասնակցեցին հաստատության տարածքում ծաղկապատման և բուսականության խնամքի աշխատանքներին, որը փոքրիկ, բայց և էներգետիկ ճգնաժամի հաղթահարմանն ուղղված և էներգախնայող վարքագիծ ձևավորելու կարևոր քայլ է:                
Շրջակա միջավայրի մաքրության և կանաչ գոտիների խնամքի շուրջօրյա աշխատանքներից զատ Աբովյանի համայնքապետարանը կարևորում է բնակչության և հատկապես դպրոցահասակ երեխաների շրջանում բնության նկատմամբ հետաքրքրության ձևավորումը և բնապահպանական աշխատանքների արդյունավետության մասին իրազեկվածության բարձրացումը:        
Ժամանակակից աշխարհում մթնոլորտ արտանետվող ջերմոցային գազերի վնասները նվազեցնելու լավագույն տարբերակներից է թթվածին արտադրող բուսական աշխարհի պահպանումը և բնական պաշարների օգտագործումը` որպես էներգիայի այլընտրանքային ու անվտանգ աղբյուր: