Քննարկվել են հետպատերազմական փուլում Հայաստանի համայնքների կարիքները
10.12.2020
Դեկտեմբերի 9-ին Հայաստանի համայնքների միության նախաձեռնությամբ անցկացվեց «Համայնքների՝ հետպատերազմական կարիքների բացահայտում» թեմայով քննարկում: Քննարկմանը մասնակցեցին ՀՀ համայնքների ղեկավարներ, համայնքային ծառայողներ, փորձագետներ:
Ինչպես ցանկացած ճգնաժամային իրավիճակում, հետպատերազմական շրջանում ևս համանքներն առաջնագծում են խնդիրներին արձագանքման տեսանկյունից: Քննարկման նպատակն էր անմիջապես համայնքներից ստանալ տեղեկություններ հետպատերազմական կարիքների մասին:
Օրեր առաջ կազմակերպվեց «Ֆրանսիայի միավորված քաղաքներ» կազմակերպության, Հայաստանի համայնքների միության աշխատակազմի, Ֆրանսիայի պետական մարմինների, ռեգիոնների, դերարտամենտների, մետրոպոլիաների ու համայնքների ներկայացուցիչների հանդիպումը, որի ընթացքում ֆրանսիացի գործընկերների կողմից ևս բարձրացվել է համայնքներին հասցեական ու թիրախային աջակցություն ցուցաբերելու հարցը:
Քննարկման ընթացքում համայնքների ներկայացուցիչները ներկայացրին, թե ինչ աշխատանքներ են կատարվել համայնքում COVID-19 համավարակի, պատերազմի և հետպատերազմական փուլում: Ներկայացրին, թե ինչ կարիքներ ունեն կարճաժամկետ, միջնաժամկետ և երկարաժամկետ կտրվածքով:
Անդրադարձ կատարվեց միգրանտների հետ աշխատանքի առանձնահատկույթւոններին, նրանց ինտերգրման քաղաքականությանը: Կարևորվեց նաև սոցիալական և այլ հարցերում դերակատարների հստակեցման և պատասխանատվության ստանձման խնդիրը: Իհարկե, համայնքները արագ արձագանքման առումով բոլոր վերոնշյալ բոլոր խնդիրների հարցում առաջնագծում են, սակայն շատ հարցեր, որոնցով իրենք զբաղվում են, իրենց ոչ մասնագիտական հմտությունների, ոչ էլ իրավասության խնդիրն են, ուստի անհրաժեշտություն կա հասկանալ, թե որ պետական մարմինն է պատասխանատու այդ հարցերի համար:
Քննարկման արդյունքում կքարտեզագրվեն համայնքների կարիքները, որոնք կներկայացվեն Միության միջազգային գործընկերներին, պետական մարմիններին և դոնորներին:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ