Հուլիսի 24, 25-ին Կապանի և Վանաձորի ինկուբատորի մասնակիցների համար իրականացվեցին դասախոսություններ տեղական կայուն զարգացման նախաձեռնություններում ավելի լայն մասնակցության մեխանիզմների, ֆոնդհայթայթման, ՏԻՄ բարեփոխումների և այլ թեմաների վերաբերյալ:

Սեմինար-դասախոսություններն անցկացվեցին Եվրոպական միության կողմից ֆինանսավորվող «Կառուցողական երկխոսության հանձնառություն» ծրագրի շրջանակներում: Ծրագիրն իրականացվում է կոնսորցիումի կողմից, որի կազմում են «Իրավաբանների հայկական ասոցիացիա» ՀԿ-ն (ղեկավար կազմակերպություն), «Մարդկային զարգացման միջազգային կենտրոն» ՀԿ-ն, «ՓՄՁ համագործակցության ասոցիացիա» ՀԿ-ն, Հայաստանի համայնքների միությունը, Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ն և չեխական «Ագորա Սենթրլ Յուրոփ» ՀԿ-ն:

«Կառուցողական երկխոսության հանձնառություն» ծրագրի փորձագետ Անուշ Բեղլոյանը Կապանի ինկուբատորի մասնակիցներին ներկայացրեց տեղական կայուն զարգացման նախաձեռնություններում ավելի լայն մասնակցության մեխանիզմները, տեղական իշխանություններին աջակցելու միջոցները, համայնքների կողմից տեղական իշխանության գործունեության վերահսկման մեթոդները:

«Կառուցողական երկխոսության հանձնառություն» ծրագրի փորձագետ Վահրամ Վարդանյանը մասնակիցներին խորհրդատվություն տվեց ծրագրային ճիշտ առաջարկ գրելու, մշակելու, ճիշտ ծրագրային հայտարարություն գրելու, դոնորների ճիշտ հայթայթման և նրանց հետ աշխատանքի կազմակերպման հարցերով:

Ծրագրիր շրջանակներում հուլիսի 25-ին Վանաձորում  «Կառուցողական երկխոսության հանձնառություն» ծրագրի համակարգող, Հայաստանի համայնքների միության նախագահ Էմին Երիցյանը դասախոսություն կարդաց սահմանադրական և ՏԻՄ բարեփոխումների վերաբերյալ, նաև անդրադարձ կատարվեց այն հարցերին, թե նոր օրենսդրական փոփոխություններով ինչ դեր կարող են ստանձնել ՔՀԿ-ները ՏԻՄ-երի հետ փոխհարաբարություններում: