«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

02.04.2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ համայնքներում: «Համայնքներն արտակարգ դրության ժամանակ» խորագրի ներքո իրականացվող նախաձեռնության շրջանակներում ներկայացնում ենք տեղեկություններ ՀՀ Վայոց ձորի մարզի Եղեգիս համայնքում կորոնավիրուսի կանխարգելման համար իրականացվող աշխատանքների վերաբերյալ: Նշենք, որ համայնքի ղեկավար Արթուր Ստեփանյանն անձամբ շրջում է համայնքում և հորդորում համայնքի բնակիչներին մնալ տանը և պահպանել ինքնամեկուսացման կանոնները:

Համայնքում կատարվող իրազեկման և ախտահանման աշխատանքների մասին մանրամասներ ներկայացրեց Եղեգիս համայնքի ղեկավար Արթուր Ստեփանյանը:

-Համայնքի բնակիչներն ինչպե՞ս են պահպանում ինքնամեկուսացման կանոնները:

-Անձամբ շրջում եմ համայնքով և հորդորում բնակիչներին մնալ տանը: Մեր խնդրանքներն ու հորդորները համայնքի բնակիչները լսում են: Խնդրում ենք, որպեսզի ինքնամեկուսանան՝ հյուր չգնան, հյուր չընդունեն, բոլոր սանիտարահիգիենիկ նորմերն ու կանոնները պահպանեն մինչև տեսնենք, թե այդ խնդրի լուծումն ինչ մակարդակի կհասնի: Ճիշտն ասած՝ մեր հորդորներն ընդհանուր առմամբ ընդունվում են: Միայն խիստ անրաժեշտության դեպքում են արդեն տնից դուրս գալիս: Հիմա մենք շրջում ենք փողոցներում. դատարկություն է, մարդիկ եկել են ինքնագիտակցության, որ պիտի լուրջ մոտենան այս խնդրին:

-Համայնքում ախտահանման ի՞նչ աշխատանքներ են կատարվում և ի՞նչ հաճախականությամբ:

-Քլորով ցողարկել ենք համայնքի վարչական տարածքները բոլոր բնակավայրերում: Ախտահանման աշխատանքներ իրականացրել ենք դպրոցի տարածքում, ախտահանել ենք գյուղապետարանները, գյուղամիջյան կենտրոնները, որտեղ ժամանակին մարդիկ հավաքվում, զրուցում էին: Այդ բոլոր տարածքները ցողարկել ենք և խնդրել, որ մարդիկ մնան իրենց տներում:  Ջրցան մեքենայով կազմակերպել ենք ախտահանում գյուղերի միջև ճանապարհներին, տրակտորով, ջրցան մեքենայով ենք ցողարկում անում, սրսկման մեքենաներով համայնքների վարչական պատասխանատուներն իրենց բնակավայրերում են անում ախտահանում:

-Այս օրերին համայնքն ի՞նչ օգնության կարիք ունի:

-Եթե դիմակներ լինեն, կբաժանենք բնակիչներին, ախտահանող նյութերի կարիք կա: Համայնքի վարչական ղեկավարներին և աշխատակիցներին տրամադրել ենք ալկոգելեր, դիմակներ, որ ախտահանում կատարեն:

-Համայնքում, համայնքի ելքերին և մուտքերին իրականացվո՞ւմ է խստացված հսկողություն:

-Գեղարքունիքի մարզի և Վայոց ձորի մարզի ճանապարհը հսկողության տակ: Համայնքապետարանի աշխատակիցները ոստիկանության աշխատակիցների հետ միասին հսկում են համայնքի մոտքն ու ելքը: Եղեգիս համայնքում վարակակիրներ չկան, բայց Վայոց ձորում ունենք վարակակիրներ, դրա համար համայնքի մուտքն ու ելքը փակ է:

 


ՆՈՐՈՒԹՅՈՒՆՆԵՐ

«Տեղական իշխանությունների դերակատարությունը միշտ է աճելու». Սանկտ Պետերբուրգի Ֆինլանդսկի շրջանի ղեկավար Վսեվոլոդ Բելիկով
«Տեղական իշխանությունների դերակատարությունը միշտ է աճելու». Սանկտ Պետերբուրգի Ֆինլանդսկի շրջանի ղեկավար Վսեվոլոդ Բելիկով

12:21

05 06 2020

Սանկտ Պետերբուրգի Ֆինլանդսկի շրջանի ղեկավար, Սանկտ Պետերբուրգի Քաղաքապետարանների խորհրդի...

«COVID-19 համավարակը հաղթահարելու համար անհրաժեշտ են միավորված ջանքեր կառավարության բոլոր մակարդակներում». Անդերս Կնապե
«COVID-19 համավարակը հաղթահարելու համար անհրաժեշտ են միավորված ջանքեր կառավարության բոլոր մակարդակներում». Անդերս Կնապե

18:50

04 06 2020

Հունաստանի՝ Եվրոպայի խորհրդի նախարարների կոմիտեի նախագահության կողմից կազմակերպված «Մարդու...

Երկխոսություն քաղաքապետերի և նախարարների միջև. գործողությունների կոորդինացում կլիմայի փոփոխությունների դեմ պայքարում
Երկխոսություն քաղաքապետերի և նախարարների միջև. գործողությունների կոորդինացում կլիմայի փոփոխությունների դեմ պայքարում

16:25

03 06 2020

Միավորված քաղաքների ու տեղական իշխանությունների համաշխարհային կազմակերպության (UCLG) Գործադիր...

Մարզերի երիտասարդների՝ ՏԻՄ-երում ներգրավում և կարողությունների զարգացում. վեբինար և հանդիպում Երևանի ավագանու անդամի հետ
Մարզերի երիտասարդների՝ ՏԻՄ-երում ներգրավում և կարողությունների զարգացում. վեբինար և հանդիպում Երևանի ավագանու անդամի հետ

11:57

02 06 2020

Մայիսի 30-31-ին կազմակերպվեց «Վ4-ը հանուն ՏԻՄ-երում երիտասարդների ներգրավման» ծրագրի...

Վեբինար՝ ՏԻՄ-երի ընտրական համակարգի փոփոխությունների վերաբերյալ
Վեբինար՝ ՏԻՄ-երի ընտրական համակարգի փոփոխությունների վերաբերյալ

18:27

29 05 2020

Հայաստանի համայնքների միության նախաձեռնությամբ մայիսի 29-ին անցկացվեց «ՏԻՄ-երի ընտրական...

Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար
Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար

15:50

25 05 2020

Մայիսի 23-24-ին կազմակերպվեց առցանց աշխատաժողով վեբինար՝ Գեղարքունիքի մարզի երիտասարդների համար:...