Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի 37-րդ նստաշրջանը
29.10.2019
Հոկտեմբերի 29-31-ը Ստրասբուրգում անցկացվում է Եվրոպայի խորհրդի տեղական և տարածքային իշխանությունների կոնգրեսի 37-րդ նստաշրջանը: Նստաշրջանն անցկացվում է «Քաղաքապետերը՝ պահպանելով ժողովրդավարությունը» խորագրով:
Կոնգրեսի աշխատանքներին մասնակցում է հայկական պատվիրակությունը՝ Հայաստանի համայնքների միության նախագահ Էմին Երիցյանի գլխավորությամբ: Կոնգրեսի քննարկումների ընթացքում շեշտադրում կկատարվի խելացի քաղաքների և կիբերանվտանգության, ընտրված պաշտոնյաների աշխատանքային պայմաններին առնչվող թեմաներին:
Կքննարկվի երկու զեկույցի ընդունում, որոնցից մեկը վերաբերում է Ռուսաստանի Դաշնությանը, մյուսը՝ Բոսնիային և Հերցեգովինային, ինչպես նաև Թուրքիայում մարտի 31-ին տեղի ունեցած ՏԻՄ ընտրությունների մասին զեկույցներ:
Նստաշրջանի բացման խոսքում Եվրոպայի խորհրդի տեղական և տարածքային իշխանությունների կոնգրեսի նախագահ Անդերս Կնապեն վերահաստատեց Կոնգրեսի դերակատարությունը 47 անդամ պետություններում ժողովրդավարության երաշխավորության, օրենքի գերակայության և մարդու իրավունքների պաշտպանության հարցում:
Այնուհետև հայտարարեց. «Մենք ողջունում ենք Կոնգրեսի դերակատարությունը եվրոպական ճարտարապետության մեջ, այդ մասին խոսեց նաև Ֆրանսիայի նախագահը Եվրոպայի Խորհրդի 70-ամյակի տոնակատարությունների ժամանակ: Բայց ելույթներից բացի մենք ամենօրյա ճնշման ներքո ենք այն երկրների կողմից, որոնք սպասում են Կոնգրեսի մոնիտորինգին տեղական ժողովրդավարության և ՏԻՄ ընտրությունների հարցում: Բայց մյուս կողմից Կոնգրեսը, հաղթահարելով արդի մարտահրավերները պետք է լինի առաջատար, կառույց, որը մոտ է կանգնած քաղաքացիներին»:
Ամփոփելով խոսքը՝ Անդերս Կնապեն հայտարարեց՝ Կոնգրեսը պետք է ունենա իր պարտականություններին համապատասխան ռեսուրսներ:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ