ԵԽ Կոնգրեսի Մոնիտորինգի հանձնաժողովը Թուրքիայի իշխանություններին կոչ է անում դադարեցնել ընտրված համայնքի ղեկավարների՝ առանց դատարանի որոշման պաշտոնանկությունները

ԵԽ Կոնգրեսի Մոնիտորինգի հանձնաժողովը Թուրքիայի իշխանություններին կոչ է անում դադարեցնել ընտրված համայնքի ղեկավարների՝ առանց դատարանի որոշման պաշտոնանկությունները

12.02.2020

Փետրվարի 11-ին Ֆրանսիայի Մեց քաղաքում անցկացող Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) Մոնիտորինգի հանձնաժողովի նիստին հաստատվեց Թուրքիայում Տեղական ինքնակառավարման եվրոպական խարտիայի մոնիտորինգային զեկույցի և հանձնարարականների նախագիծը:

Զեկույցի նախագծում ներառված են նաև 2019 թվականի նոյեմբերին Թուրքիա կատարված  մոնիտորինգային այցի արդյունքները:

Համազեկուցող Յակոբ Վիենեն Թուրքիայում արձանագրել է տեղական ինքնակառավարման ընտրությունների՝ իր բնութագրմամբ տպավորիչ մասնակցություն՝ 86%, որը խոսում է այդ երկրի քաղաքացիների՝ տեղական ընտրությունների նկատմամբ ունեցած մեծ հետաքրքրության մասին: Ըստ համազեկուցողի՝ սա Եվրոպայի Խորհրդի տարածքում ամենաբարձր ցուցանիշներից է:

Միևնույն ժամանակ համազեկուցողն արձանագրել է մի շարք մտահոգություններ: Օրինակ, որ Թուրքիայում չեն պահպանվել Տեղական ինքնակառավարման եվրոպական խարտիայի որոշ դրույթներ:Մասնավորապես զեկույցի նախագծում կոչ է արվում նվազեցնել պետական վերահսկողությունը տեղական իշխանությունների նկատմամբ, ապահովել տեղական իշխանությունների ներկայացուցիչների հետ արդյունավետ խորհրդակցությունների մեխանիզմներ, մասնավորապես վարչատարածքային բաժանումների հետ կապված բարեփոխումներ իրականացնելուց առաջ, ինչպես նաև ապահովել ֆիսկալ ապակենտրոնացում:

Յակոբ Վիենան հատկապես շեշտել է. «Այն թեկնածուները, որոնք մասնակցել են տեղական ինքնակառավարման մարմինների ընտրություններին և հաղթել, նրանց պետք է թույլատրվել իրականացնել իրենց մանդատը ՝ արդար ընտրությունների սկզբունքներին համապատասխան»: Նա մտահոգություն է հայտնել այն առիթով, որ 2019 թվականի մարտին Թուրքիայում անցկացված տեղական ինքնակառավարման մարմինների ընտրություններից հետո ընտրական վարչակազմը որոշ ընտրված թեկնածուների մերժել է տրամադրել պահանջվող վկայականները, օրինակ՝ Մազբատայում:

Զեկույցի նախագծում  ընդգրկված մյուս մտահոգությունն այն է, որ տեղական իշխանությունների որոշ ընտրված ներկայացուցիչներ կալանավորված են, նրանց մեղադրանք է առաջադրված և նրանց փոխարեն պաշտոնավարում են չընտրված անձինք:

Փաստաթղթում ամրագրված է. «Մենք կոչ ենք անում թուրքական իշխանություններին դադարեցնել առանց դատարանի որոշման ընտրված քաղաքապետերի պաշտոնանկությունները և քաղաքային խորհուրդներին հնարավորություն տալ իրենց կազմից նշանակել ժամանակավոր պաշտոնակատար՝ այդպիսով խուսափելով կառավարության ներկայացուցիչներին նշանակումից»:

Զեկույցի նախագիծը կներկայացվի մարտի 17-19-ը Ստրասբուրգում կայանալիք Կոնգրեսի նստաշրջանի հաստատմանը:

  

 


ՆՈՐՈՒԹՅՈՒՆՆԵՐ

«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում
«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում

12:37

07 12 2023

Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...

ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը
ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը

10:04

01 11 2023

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...

ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը
ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը

13:26

30 10 2023

Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...

ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել
ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել

19:09

26 10 2023

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...

ԵԽ Կոնգրեսի նոր նախագահ է ընտրվել Մարկ Քուլսը (Բելգիա)
ԵԽ Կոնգրեսի նոր նախագահ է ընտրվել Մարկ Քուլսը (Բելգիա)

16:11

24 10 2023

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...

Ստրասբուրգում կանցկացվի ԵԽ կոնգրեսի 45-րդ նստաշրջանը
Ստրասբուրգում կանցկացվի ԵԽ կոնգրեսի 45-րդ նստաշրջանը

23:47

22 10 2023

Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...