Հունիսի 15-17-ը կանցկացվի Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) 40-րդ նստաշրջանը: Այն կանցկացվի հեռավար կարգով՝ հաշվի առնելով COVID-19 համաճարակային իրավիճակը:

Կոնգրեսի նստաշրջանի ընթացքում կընդունվի Հայաստանի վերաբերյալ մոնիտորինգային զեկույցը:

Այս առիթով Կոնգրեսը կքննարկի նաև Տեղական ինքնակառավարման եվրոպական խարտիայի և ընտրությունների հետ կապված դիտորդական առաքելությունների արդյունքները:

Նշենք նաև, որ Կոնգրեսը 40-րդ նստաշրջանի ընթացքում կընդունի նաև Ադրբեջանի և Բուլղարիայի վերաբերյալ մոնիտորինգային զեկույցներ:

Կոնգրեսի նստաշրջանի ընթացքում կքննարկվեն նաև թեմատիկ զեկույցներ: Մասնավորապես Կոնգրեսի ուշադրության կենտրոնում այնպիսի թեմաներ, ինչպիսիք են  տարածքային համերաշխության հարցում ռեգիոնների դերակատարությունը, մշակութային ժառանգության կառավարումը տեղական և տարածքային զարգացման հարցում, համայնքապետարանների առաջ ծառացած մարտահրավերներն ու գոյություն ունեցող հնարավորությունները:

Կոնգրեսի նստաշրջանի օրակարգին կարող եք ծանոթանալ հետևյալ հղմամբ: