Հայաստանում իր համագործակցային գործողությունների շրջանակներում Եվրոպայի խորհրդի Տեղական և տարածաշրջանային իշխանությունների կոնգրեսը կազմակերպում է աշխատաժողով՝ տեղական և ազգային իշխանւթյունների միջև խորհրդակցության մեխանիզմների թեմայով, որը տեղի կունենա 2018թ. սեպտեմբերի 12-ին: 

Աշխատաժողովի նպատակն է՝ սկսել երկխոսություն խորհրդակցության տարբեր մեխանիզմների վերաբերյալ, որոնք կարող են հարմարեցվել հայաստանյան համատեքստին, որի երկարաժամկետ նպատակն է՝ կանոնավոր խորհրդակցությունների համար շրջանակի ստեղծումը և երկրում գործուն խորհրդակցական մեխաանիզմի ստեղծումը:

Քննարկումները կանցկացվեն երեք փուլերով՝ խորհրդակցություն իրավական շրջանակի վերաբերյալ, քաղաքական խորհրդակցությունների համար ինստիտուցիոնալ մեխանիզմների վերաբերյալ՝ Լեհաստանի, Լատվիայի, Սերբիայի և Վրաստանի օրինակով, և Հայաստանում առկա փորձի և ապագա հեռանկարների վերաբերյալ:

Նիստին մասնակցելու են Հայաստանի կառավարության և Ազգային ժողովի, տեղական իշխանությունների և դրանց ասոցիացիաների, ինչպես նաև տեղական իշխանությունների ազգային ասոցիացիաների  ներկայացուցիչներ:

Աշխատաժողովը կազմակերպվում է «Ինստիտուցիոնալ աջակցություն Հայաստանի համայնքների միությանը» պրոյեկտի շրջաանակներում, որն իրականացվում է Եվրոպայի խորհրդի Տեղական և տարածաշրջանային իշխանությունների կոնգրեսի կողմից՝ Շվեյցարիայի կառավարության ֆինանսական աջակցությամբ:

Աղբյուրը՝ https://www.coe.int/en/web/congress/-/armenia-workshop-on-consultation-mechanisms-between-local-and-national-authorities