Սեպտեմբերի 26-ին Հայաստանի համայնքների միության գրասենյակում տեղի ունեցավ Հայաստանի Համայնքների Միության վերստուգիչ հանձնաժողովի արտահերթ նիստ, որը հրավիրվել էր Միության նախագահ Էմին Երիցյանի նախաձեռնությամբ։

Ներկայացվեց Միության ընթացիկ տարվա անցած ժամանակահատվածում կազմակերպության ֆինանսական գործունեության արդյունքները, անդամների կողմից անդամավճարների վճարումների ցուցանիշները, ինչպես նաև Միության կառավարման մարմինների գործունեությունը՝ իրավասու լինելով հետևել դրանց որոշումների ու գործողությունների օրինականությունը։ Հաշվի առնելով Միության ֆինանսական կայունության ու ֆինանսական հիմքերի ամրապնդման առաջնահերթությունը, Վերստուգիչ հանձնաժողովը որոշեց իր առաջարկությունները ներկայացնել Միության հարապետական խորհրդին։ Մասնավորապես, անդամավճարի չափի փոփոխման, անդամավճարները չվճարողների նկատմամբ կանոնադրությամբ սահմանված սահմանափակումներ կիրառելու մասին և այլն։

Միության Վերստուգիչ հանձնաժողովը ընտրվել է 2016թ.Կազմակերպության Ընդհանուր ժողովի կողմից 5 տարի ժամկետով: Այն իրականացնում է վերահսկողություն Միության ֆինանսական գործունեության և գործունեության օրիկնականության նկատմամբ: