Ինչպե՞ս կարող են մարդու իրավունքները շոշափելի լինել տեղական մակարդակում. այս հարցը քննարկվեց Եվրոպայի խորհրդի Տեղական և տարածաշրջանային իշխանությունների կոնգրեսի 34-րդ նստաշրջանի շրջանակներում՝ սույն թվականի մարտի 27-ին: Քննարկմանը մասնակցում էին Եվրոպայի խորհրդի Մարդու իրավունքների հանձնակատար Նիլս Մույժնիեկսը և եվրոպական ինստիտուտներում ՄԱԿ ՓԳՀ ներկայացուցիչ Ռոլանդ-Ֆրանսուա Ուեյլը:

«Մենք բոլորս կարծում ենք, որ կարևոր է  տեղական և ռեգիոնալ իշխանությունների ներգրավումը մարդու իրավունքների խնդրում: Շատ հաջողված օրինակներ ցույց են տալիս, որ  մարդու իրավունքների ներդրումը հանրային քաղաքականություններում պարտադիր կերպով չի պահանջում լրացուցիչ ռեսուրսներ կամ իրավական ու տեխնիկական բաղադրիչների ներառում»,-նշեց Մարդու իրավունքների բանախոս Հարալդ Բերգմանը:

Հաստատված բանաձևը առաջարկում է մարդու իրավունքների վերաբերյալ ձեռնարկի ստեղծում, որտեղ նշված կլինեն եվրոպական քաղաքներում արդեն իսկ իրականացված լավագույն փորձերը: Առաջինը կենտրոնանում է 3 հատկապես խոցելի կատեգորիաների վրա՝ փախստականներ, ապաստան փնտրողներ և միգրանտներ:

Այս ձեռնարկը առաջինն է այն բոլոր հրատարակություններից, որոնք  կվերաբերեն այլ խմբերի կամ թեմաների և կներառեն նաև ինտերնետ հարթակը՝ եվրոպական քաղաքներին թույլ տալով փոխանակել իրենց փորձը մարդու իրավունքների ոլորտում:

Կոնգրեսը կոչ է անում ԵԽ անդամ երկրների տեղական և ռեգիոնալ իշխանություններին՝ հաստատել և օգտագործել ձեռնարկը իրենց քաղաքականություններում՝ ի շահ իրենց քաղաքացիների:

Աղբյուրը՝ https://www.coe.int/en/web/congress/-/council-of-europe-congress-launches-tool-for-promoting-human-rights-at-local-and-regional-level-in-europe