Երևանում տեղի կունենա Քաղաքապետերի դաշնագրի ակումբի երրորդ հանդիպումը

Տեղական ինքնակառավարմանը նվիրված քննարկում՝ ՀՀ ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի հրավերով

26.02.2019

Փետրվարի 26-ին Հայաստանի համայնքների միության նախագահ Էմին Երիցյանը ՀՀ ԱԺ-ում մասնակցեց ՀՀ ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի հրավիրած քննարկմանը:

Տեղական ինքնակառավարման մարմինների հետ աշխատող, դրանց զարգացման հարցերով զբաղվող մի շարք հասարակական եւ միջազգային կազմակերպությունների ներկայացուցիչների, փորձագետների հետ հանդիպման նպատակն էր ծանոթանալու նրանց աշխատանքներին, գործունեության ուղղություններին, լսել նրանց առաջարկներն ու մտահոգությունները:

Հանձնաժողովի նախագահ Վարազդատ Կարապետյանը կարեւորեց հրավիրված կազմակերպությունների եւ փորձագետների հետ համագործակցությունը՝ նշելով, որ նրանց առաջարկներն առանձնապես կարեւոր կարող են լինել օրենսդրական նախաձեռնություններ մշակելիս՝ հաշվի առնելով տեղեկացվածությունը համայնքային խնդիրներից:

Հյուրերը խոսեցին իրենց գործունեության ուղղություններից, ներկայացրին առաջարկներ, որոնց նպատակը համայնքների հետագա զարգացումն է եւ բնակչության կյանքի որակի բարելավումը: Առաջարկներ հնչեցին համայնքների խոշորացման, հողային ռեսուրսների կառավարման, նախադպրոցական հաստատությունների կառուցման, ավագանու ինստիտուտի հզորացման, համայնքի կառավարման գործում կանանց մասնակցությանը եւ այլն: Առաջարկվեց վերանայել ոլորտը կանոնակարգող որոշ օրենքներ և առավել բազմակողմանի դիտարկել համայնքների խոշորացման գործընթացը:

Հետագայում կլինեն թեմատիկ քննարկումներ, անհրաժեշտության դեպքում կձեւավորվեն աշխատանքային խմբեր:

ՆՈՐՈՒԹՅՈՒՆՆԵՐ

Ստրասբուրգում մեկնարկում է ԵԽ Կոնգրեսի հոբելյանական նստաշրջանը. Հայաստանը կներկայանա նորացված պատվիրակությամբ