Տեղի է ունեցել Հայաստանի համայնքների միության Գյուղական տարածքների, փոքր, լեռնային, սահմանամերձ բնակավայրերի զարգացման, միջհամայնքային համագործակցության հարցերի  մշտական հանձնաժողովի նիստը:

Երևան։ 2018թ. ապրիլի 18։ Ապրիլի 18-ին տեղի է ունեցել Հայաստանի համայնքների միության Գյուղական տարածքների, փոքր, լեռնային, սահմանամերձ բնակավայրերի զարգացման, միջհամայնքային համագործակցության հարցերի  մշտական հանձնաժողովի նիստը:

Հանձնաժողովի նախագահը Փարաքար համայնքի ղեկավար Սամվել Վարդանյանն է։ Նիստի սկզբում հանձնաժողովի նախագահի տեղակալ ընտրվեց Տաթև համայնքի ղեկավար Մուրադ Սիմոնյանը։ Հանձնաժողովի նախագահի 2-րդ տեղակալը կընտրվի հանձնաժողովի հաջորդ նիստին։

Քննարկվել է հանձնաժողովի 2018-2019թթ.. գործունեության գերակայությունների և 2018թ. ընթացքում թեմատիկ զեկույցներ ընտրելու և զեկուցողներ նշանակելու մասին հարցերը:

Հանձնաժողովի նիստի շրջանակներում ՀՀ տարածքային կառավարման և զարգացման նախա­րարության ներկայացուիչ Կարեն Բակոյանի մասնակցությամբ կլոր սեղանի ձևաչափով շահագրգիռ քննարկում կազմակերպվեց վարչատա­րած­քային փոփո­խութ­յունների հեռանկարների վերաբերյալ։

Հանձնաժողովը որոշեց Միության կողմից ՀՀ կառավարությանն առաջարկել վերականգնել նախորդ տարիներին համատեղ կազմակերպվող «Գյուղական համայնքների համաժողովների» ավանդույթը՝ այն վերանվանելով «Գյուղական տարածքների (շրջանների) զարգացման համաժողով»։

Հանձնաժողովի նախագահ Սամվել Վարդանյանը նաև ներկայացրեց Ֆրանսիայի գյուղական համայնքների ասոցիացիայի հետ համագործակցության ընթացքը, ինչպես նաև մարտ ամսին հայկական պատվիրակության Ֆրանսիա կատարած այցելության մանրամասները:

Համայնքների միությունն ունի 6 մշտական հանձնաժողովներ, որոնց, կանոնադրության համաձայն, անդամակցում են Միության Հանրապետական խորհրդի յուրաքանյուր անդամ։