«Եթե բնակիչը քաղաքացիական ակտիվ կեցվածք իր համայնքում չունի, խոսել տեղական ինքնակառավարման մասին, նույնն է, ինչ մի վերացական երևույթի մասին». Վաչե Տերտերյան

«Եթե բնակիչը քաղաքացիական ակտիվ կեցվածք իր համայնքում չունի, խոսել տեղական ինքնակառավարման մասին, նույնն է, ինչ մի վերացական երևույթի մասին». Վաչե Տերտերյան

17.09.2018

ՀՀ տարածքային կառավարման և զարգացման նախարարարի առաջին տեղակալ Վաչե Տերտերյանի կարծիքով՝ երկրում տեղի ունեցած փոփոխություններից հետո ժողովուրդը գիտակցում է, որ մասնակցում է իր կողմից իշխանության ձևավորմանը:

Վաչե Տերտերյանից հետաքրքրվեցինք՝ երկար տարիներ լինելով ոլորտում՝ կառավարության նոր ղեկավարության հետ աշխատանքի վերաբերյալ ի՞նչ տպավորություններ ունի, մասնավորապես տեղական ինքնակառավարման համակարգում բարեփոխումների իրականացման պատրաստակամության տեսանկյունից: Փոխնախարարը պատասխանեց. «Համընդհանուր որոշակի ակտիվությունը, քաղաքացիական դիրքորոշման կտրուկ վերելքը, էմոցիոնալ վերելքը բերում է քաղաքացիական դիրքորոշման ձևավորմանը, ինչը տեղական ինքնակառավարման համար համակարգային եզրույթ ունեցող խնդիր է: Մշտապես իմ համոզմունքն է եղել, որ մեր տեղական ինքնակառավարման համակարգում անկախ ճիգերից, իրավական կարգավորումներից, մենք հաջողություն կարող ենք ունենալ անհրաժեշտ մի քանի հանգամանքների առկայության պարագայում, որոնցից ամենակարևորը բնակչության քաղաքացիական ակտիվության կեցվածքն է: Եթե բնակիչը քաղաքացիական ակտիվ կեցվածք իր համայնքում չունի, խոսել տեղական ինքնակառավարման մասին նույնն է, ինչ մի վերացական, ոչ մի հողեղեն հիմք չունեցող երևույթի մասին: Սա իսկապե մեր խնդիրն է եղել»:

Վաչե Տերտերյանը տեղի ունեցած փոփոխություններն ավելի շատ կապում է հանրային ակտիվության գիտակցության հետ. «Առավել քան  համոզված եմ, որ մեր գործադիր իշխանության համակարգում ընդգրկված մարդկանց ճնշող մեծամասնությունը երկրի այն քաղաքացիներն են, որոնք ոգևորվում, ընկճվում են, լավատեսություն են իրենց մեջ կրում: Սա փոքր գործընթաց չէ, այլ ընդհանուր հասարակական վերելքի, զարթոնքի ակտիվության մի փուլ: Հիմա գործադիր իշխանությունը, մենք բոլորս պիտի կարողանանք համընդհանուր դրական մթնոլորտն իրացնել կոնկրետ ակնկալիքների և համաչափ, համբերատար լուրջ աշխատանքով հեռահար նպատակների արձանագրման համար»:

Վաչե Տերտերյանը փաստեց՝ իրականում այժմ դրական ֆոն է այն առումով, որ կա ոգևորվածություն. «Եթե մարդ ոգևորված է, իրենից կարելի է մի բան ստանալ, եթե ոգևորված չէ, հիասթափված է, իր հետ դժվար է: Մենք ունենք հասարակության շրջանում ակնհայտ դրական ուղղվածությամբ ոգևորություն. սպասելիքներ, ձգտումներ: Մեր բոլորի գործը պիտի լինի այս ամենն ուղղել դրական ուղղությամբ»:

 


ՆՈՐՈՒԹՅՈՒՆՆԵՐ

«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում
«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում

12:37

07 12 2023

Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...

ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը
ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը

10:04

01 11 2023

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...

ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը
ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը

13:26

30 10 2023

Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...

ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել
ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել

19:09

26 10 2023

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...

ԵԽ Կոնգրեսի նոր նախագահ է ընտրվել Մարկ Քուլսը (Բելգիա)
ԵԽ Կոնգրեսի նոր նախագահ է ընտրվել Մարկ Քուլսը (Բելգիա)

16:11

24 10 2023

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...

Ստրասբուրգում կանցկացվի ԵԽ կոնգրեսի 45-րդ նստաշրջանը
Ստրասբուրգում կանցկացվի ԵԽ կոնգրեսի 45-րդ նստաշրջանը

23:47

22 10 2023

Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...