2017թ. մարտի 29-ին ԵԽ Կոնգրեսի Տեղական իշխանությունների պալատը ընդունեց հանձնարարականներ՝ Մալթայում տեղական ժողովրդավարության վերաբերյալ, որը կազմվել էր 2016թ. նոյեմբերի 22-24-ի մոնիթորինգային այցից հետո: 

Սա երրորդ մոնիթորինգային զեկույցն է Մալթայի կողմից 1993թ.-ին Տեղական ինքնակառավարման եվրոպական խարտիայի վավերացումից հետո: Զեկույցը նախապատրաստվել էր համազեկուցողներ Ստյուարտ Դիքսոնի և Ռիստո Ռաուտավայի կողմից: Համազեկուցողները գոհունակությամբ փաստեցին 2010թ.-ին պաշտոնական վերջին մոնիթորինգային այցից հետո Մալթայի օրենսդրության մեջ իրականացված որոշակի փոփոխությունները, որոնք ուղղված էին տեղական ժողովրդավարության բարելավմանը: Տեղական կառավարումը Մալթայում, սակայն, բախվում է բազմաթիվ մարտահրավերների՝ Տեղական ինքնակառավարման եվրոպական խարտիայի հետ անհամապատասխանության պատճառով: Այդ մասին նշեց Ստյուարտ Դիքսոնը՝ զեկույցը Տեղական իշխանությունների պալատին ներկայացնելու ընթացքում: Կոնգրեսը, մասնավորապես, մտահոգված է ներպետական օրենսդրության և սահմանադրության մեջ տեղական ինքնակառավարման սկզբունքների հստակ կամ ուղղակի ճանաչման բացակայությամբ: Զեկույցում նաև նշվում է, որ կենտրոնական իշխանությունները չափից շատ են ներգրավված տեղական գործերում: Ինչպես նշեց Ստյուարտ Դիքսոնը, Տեղական ժողովրդավարության տեսանկյունից ընդհանուր իրավիճակը Մալթայում ավելի է սրվում կենտրոնական կառավարման և տեղական իշխանությունների միջև խորհրդակցության բացակայության պատճառով::

Աղբյուրը՝ http://www.coe.int/t/congress/default_EN.asp?