Ժողովրդավարական կառավարման համատեքստում կանաչ պետական կառավարման թեմայով համաժողովի ընթացքում ընդգծվել է տեղական և տարածաշրջանային իշխանությունների առանցքային դերը կլիմայի փոփոխության և բնապահպանական խնդիրների լուծման գործում: 

ԵԽ կոնգրեսի զեկուցողի խոսքով՝ «քաղաքապետարաններում, հասարակական վայրերում և համայնքներում տեղական իշխանությունների կատարած գործողություններն են, որ ամենամեծ ազդեցությունն ունեն շրջակա միջավայրի վրա: Տեղական մակարդակում է, որ շրջակա միջավայրի աղտոտման և կլիմայի փոփոխության հետևանքները դառնում են ամենաշատը տեսանելի»:

ԵԽ Կոնգրեսի գլխավոր քարտուղար Մաթյո Մորին համաժողովի բացման իր խոսքում նշել է․ «Կանաչ տեղական կառավարման բանալին այն է, որ ազգային իշխանություններն ունենան իրավասություններ, միջոցներ և գործելու ազատություն»: Այս ամենը հաշվի առնելով՝ Կոնգրեսն առաջարկում է Տեղական ինքնակառավարման եվրոպական խարտիայի լրացուցիչ արձանագրություն սահմանել։ Այս արձանագրությունը հիմք կհանդիսանա առկա փորձաքննության և ֆինանսական ռեսուրսների, ինչպես նաև իրազեկվածության բարձրացման և շրջակա միջավայրի ու կլիմայական խնդիրների ինտեգրման համար տեղական և տարածաշրջանային իշխանությունների որոշումներում և գործողություններում:

Նաև կարևորվել է այն, որ տեղական և տարածքային իշխանությունները բնապահպանական ոլորտը ներգրավեն իրենց քաղաքականություններում: