Սույն թվականի հունիսի 5-7-ին ԵԽ Կոնգրեսի պատվիրակությունը մոնիթորինգային այց կկատարի Լեհաստան: Պատվիրակությունը կուսումնասիրի երկրում տեղական և ռեգիոնալ ժողովրդավարության վիճակը Տեղական ինքնակառավարման եվրոպական խարտիայի լույսի ներքո, որը Լեհաստանը վավերացրել է 1993թ.-ին:

Տեղական և ռեգիոնալ ժողովրդավարության վերաբերյալ զեկուցողներ Դեյվիդ Բարո ՌԻբան և Պասկալ Մանգինը կկենտրոնանան տեղական և ռեգիոնալ ժողովրդավարության ոլորտում վերջին զարգացումների վրա՝ 2015թ.-ի մարտին Կոնգրեսի վերջին առաջարկության ընդունումից ի վեր:

Հանդիպումներ են նախատեսված պետական մի քանի գործիչների, ինչպես նաև Կոնգրեսում Լեհաստանի ազգային պատվիրակության և Լեհաստանի տեղական և ռեգիոնալ իշխանությունների ասոցիացիաների անդամների հետ: Զեկուցողները մտքերի փոխանակում կունենան նաև Վարշավայի փոխքաղաքապետի հետ:

Զեկույցի և առաջարկության նախագծերը կուսումնասիրվեն և կդրվեն նոյեմբերին կայանալիք մոնիթորինգային հանձնաժողովի հաստատմանը, որից հետո այն հասռտատման կներկայացվի 2019թ. մարտին Կոնգրեսի նստաշրջանի ընթացքում:

Լեհաստանը Տեղական ինքնակառավարման եվրոպական խարտիան վավերացրել է 1993թ.-ին: Երկրները, որոնք վավերացրել են Խարտիան, պարավորված են վերջինիս դրույթներով: Խարտիան պահանջում է  համապատասխանություն առնվազն նվազագույն իրավունքներին, որոնք կազմում են եվրոպական տեղական ինքնակառավարման հիմնաքարը: Տեղական և ռեգիոնալ իշխանությունների Կոնգրեսը ապահովում է, որ այդ սկզբունքները մշտադիտարկվեն:

Աղբյուրը՝ https://www.coe.int/en/web/congress/-/monitoring-visit-by-the-congress-to-poland