Միջազգային փորձագետների մասնակցությամբ Երևանում անցկացվել է սեմինար-վերապատրաստում համայնքի ղեկավարների, ավագանու անդամների և համայնքային ծառայողների համար
01.03.2021
Փետրվարի 25-ին Երևանում Հայաստանի համայնքների միության նախաձեռնությամբ անցկացվեց սեմինար-վերապատրաստում համայնքի ղեկավարների, ավագանու անդամների և համայնքային ծառայողների համար:
Սեմինար-վերապատրաստմանը մասնակցեցին ՀՀ տասնյակ համայնքների ներկայացուցիչներ:
Հունգարիայի տեղական իշխանությունների ազգային ասոցիացիայի փորձագետ Կատալին Քոլին-Սաբջանը և Սլովակիայի քաղաքների ասոցիացիայի փորձագետ Զուզանա Հուդեկովան մասնակիցներին ներկայացրին Վիշեգրադ երկրների լավագույն փորձի, կլիմայի փոփոխության և այլ թեմաներով ցուցադրություններ:
Մասնակիցները փորձագետներին հարցեր հղեցին այնպիսի թեմաների վերաբերյալ, ինչպիսիք են խելացի և նորարար քաղաքներ, քաղաքների կայուն զարգացում, մարտահրավերներ, որոնք առկա են քաղաքային տարածքներում՝ կլիմայի փոփոխություն, ազդեցություն և դիմադրողականություն: Սեմինար-վերապատրաստման ընթացքում փորձագետները ներկայացրին եվրոպական լավագույն փորձը:
Վերապատրաստման ընթացքում բարձր ակտիվություն և նախաձեռնողականություն դրսևորած ծրագրի կողմից ընտրված մասնակիցները ճանաչողական այցով տարվա երկրորդ կեսին կմեկնեն Լեհաստան ուսումնասիրելու տեղական փորձը:
Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացնում է «Համագործակցություն քաղաքների կայուն զարգացման ուղղությամբ. ընդհանուր մարտահրավերներ, ընդհանուր լուծումներ» ծրագիրը:
Ծրագրի գործընկերներն են Լեհաստանի քաղաքների ասոցիացիան, Սլովակիայի քաղաքների միությունը, Հունգարիայի տեղական իշխանությունների ազգային ասոցիացիան, Չեխիայի Ռադլոյի քաղաքապետարանը:
Ծրագրի նպատակներն են՝
1. Աջակցել համայնքներին քաղաքական պաշտոնյաների և աշխատակազմերի կարողությունների զարգացման հարցում:
2. Նպաստել Հայաստանի և V4 երկրների համայնքների միջև փորձի փոխանակմանը:
3. Նպաստել ասոցիացիաների և քաղաքապետարանների միջև համագործակցությանը՝ հիմնված փորձաքննության փոխանակման վրա:
4. Աջակցել խելացի քաղաքների զարգացմանը՝ օգտագործելով V4 երկրների հաջողված փորձը:
22:52
09 04 2021
Ապրիլի 9-ին Վանաձորի համայնքապետարանում տեղի է ունեցել աշխատանքային հանդիպում՝ Եվրոպական...
11:53
08 04 2021
Ապրիլի 6-ին «Անի Պլազա» հյուրանոցի «Նաիրի» նիստերի դահլիճում...
12:47
31 03 2021
Սահմանադրության 48-րդ հոդվածի 3-րդ կետով սահմանվել է. «Տեղական ինքնակառավարման մարմինների...
11:04
31 03 2021
Կոչ եմ անում ՀՀ կառավարությանը հանձնառու մնալ ժողովրդավարության սկզբունքներին, օրենքով սահմանված...
11:06
25 03 2021
Ստրասբուրգում մարտի 23-24-ին անցկացվել է Եվրոպայի խորհրդի տեղական ու տարածքային իշխանությունների...
11:43
24 03 2021
Ստրասբուրգում մարտի 23-24-ին անցկացվում է Եվրոպայի խորհրդի տեղական ու տարածքային...