Հուլիսի 30-ին Գյումրի քաղաքում Գյումրիի ինկուբատորի մասնակիցների համար իրականացվեցին դասախոսություններ  ֆոնդհայթայթման, ՏԻՄ բարեփոխումների, ՏԻՄ-երի լիազորությունների և այլ թեմաների վերաբերյալ:

Սեմինար-դասախոսություններն անցկացվեցին Եվրոպական միության կողմից ֆինանսավորվող «Կառուցողական երկխոսության հանձնառություն» ծրագրի շրջանակներում: Ծրագիրն իրականացվում է կոնսորցիումի կողմից, որի կազմում են «Իրավաբանների հայկական ասոցիացիա» ՀԿ-ն (ղեկավար կազմակերպություն), «Մարդկային զարգացման միջազգային կենտրոն» ՀԿ-ն, «ՓՄՁ համագործակցության ասոցիացիա» ՀԿ-ն, Հայաստանի համայնքների միությունը, Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ն և չեխական «Ագորա Սենթրլ Յուրոփ» ՀԿ-ն:

Այդ շրջանակներում «Կառուցողական երկխոսության հանձնառություն» ծրագրի համակարգող, Հայաստանի համայնքների միության նախագահ Էմին Երիցյանը դասախոսություն կարդաց սահմանադրական և ՏԻՄ բարեփոխումների վերաբերյալ, նաև անդրադարձ կատարվեց այն հարցերին, թե նոր օրենսդրական փոփոխություններով ինչ դեր կարող են ստանձնել ՔՀԿ-ները ՏԻՄ-երի հետ փոխհարաբարություններում:

Սեմինարի մասնակիցներին հետաքրքրում էին, թե փոփոխությունները դրակա՞ն տեղաշարժեր են, ապահովել, թե՞ բացասական: Նրանք ևս այս առիթով կարծիքներ հայտնեցին:

Գյումրիի ինկուբատորի մասնակիցների շրջանում կար տեղեկատվական շեղում դոտացիաների և սուբսիդիաների վերաբերյալ. այս թեմաների շրջանակներում նրանց տրվեցին լրացուցիչ տեղեկություններ:

Ծրագրի փորձագետ Վահրամ Վարդանյանն էլ սեմինարի մասնակիցներին խորհրդատվություն տվեց ծրագրային ճիշտ առաջարկ գրելու, մշակելու վերաբերյալ: Մասնակիցները եկել էին արդեն պատրաստի ծրագրերով, որոնց վրա կատարվեցին շտկումներ: Մասնակցում էին նաև սկսնակներ, որոնք ուզում էին հասկանալ ծրագիր մշակելու և ներկայացնելու ընդհանուր տերմինալոգիան: