Նորընտիր Ազգային ժողովից ակնկալիքները մեծ են
21.01.2019
Ազգային ժողովն էապես կարող է տարբերվել նախորդ բոլոր գումարումներից միայն հանրային խորհրդակցական ներառական մեխանիզմների ներդրման, քաղաքացիական հանրության փորձագիտական ներուժի ներգրավման պարագայում։
Հայաստանի համայնքների միության անունից շնորհավորում եմ ՀՀ Ազգային ժողովի նորընտիր նախագահ Արարատ Միրզոյանին, նախագահի տեղակալներ Լենա Նազարյանին, Ալեն Սիմոնյանին, Վահե Էնֆիաջյանին, ԱԺ հանձնաժողովների նախագահներին իրենց պաշտոններում ընտրվելու կապակցությամբ։ Առանձնապես ուզում եմ արժևորել տեղական ինքնակառավարման ու տարածքային կառավարման հարցերի համար ոլորտային պատասխանատու հանձնաժողովի նախագահի պաշտոնում Վարազդատ Կարապետյանի ընտրությունը, ով միշտ առանձնացել է տեղական ժողովրդավարության սկզբունքներին իր հավատարմությամբ։
Նորընտիր Ազգային ժողովից համայնքների ակնկալիքները շատ մեծ են. հատկապես խորհրդարանական համակարգի պարագայում, երբ քաղաքական որոշումների կենտրոնը դառնում է Ազգային ժողովը։
Չափազանց մեծ է ուղիղ ընտրական մանդատ ունեցող երկու ինստիտուտների՝ Ազգային ժողովի ու տեղական ինքնակառավարման մարմինների համագործակցությունը։
Հայաստանի համայնքների միությունը, ներկայացնելով համայնքների միասնական ձայնը, ակնկալում է, որ խորհրդարանը կդառնա տեղական ժողովրդավարության ամրապնդման, ոլորտի բարեփոխումների մշակման գեներատորը։ Հատկանշական է, որ 2019 թվականին Եվրոպայի խորհրդի կողմից իրականացվելու է Հայաստանում տեղական ժողովրդավարության հերթական մշտադիտարկումը, և նոր դերակատարմամբ խորհրդարանը ունակ է շոշափելի առաջ մղել ապակենտրոնացման գործընթացը Հայաստանում։
Նորընտիր Ազգային ժողովն էապես կարող է տարբերվել նախորդ բոլոր գումարումներից միայն հանրային խորհրդակցական ներառական մեխանիզմների ներդրման, քաղաքացիական հանրության փորձագիտական ներուժի ներգրավման պարագայում։
Այս համատեքստում ակնկալում ենք, որ խորհրդարանի ու Հայաստանի համայնքների միության միջև կձևավորվի համագործակցության հարթակ՝ Տեղական ինքնակառավարման եվրոպական խարտիայի ու ժողովրդավարության սկզբունքներին համապատասխան ապահովելով պատշաճ խորհրդակցական մեխանիզմներ ու ստեղծելով հավելյալ արժեք։
Նորընտիր Ազգային ժողովին մաղթում ենք արդյունավետ գործունեություն։
Էմին Երիցյան
Հայաստանի համայնքների միության նախագահ
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ