Communities Association of Armenia

Հայտարարություն. Միությունն անցնում է սահմանափակ (կարանտինային) ռեժիմով աշխատակարգի

13.03.2020

Հայաստանի համայնքների միությունը ելնելով կորոնավիրուսի համաճարակի ռիսկերով պայմանավորված առողջության ու անվտանգության պահպանման նկատառումներից¸ հետևելով միջազգային առողջապահական և գործընկեր կազմակերպությունների առաջարկներին ու հրահանգներին մարտի 13-ից մինչև ապրիլի 4-ը անցնում է սահմանափակ (կարանտինային) ռեժիմով աշխատակարգի։

Այդ ժամանակահատվածում դադարեցվում են Միության կանոնադրական մարմինների նիստերը¸ ցանկացած այլ միջոցառումներ¸ որոնք կպահանջեն մարդկանց ֆիզիկական մասնակցություն։ Անհրաժեշտության դեպքում ղեկավար մարմինների նիստեր կգումարվեն կամ որոշումներ կընդունվեն հեռակա կարգով՝ ըստ սահմանված ընթացակարգերի։
Չեղարկվում են Միության ներկայացուցիչների մասնակցությունը ցանկատած բնույթի հավաքներին¸ նիստերին¸ միջոցառումներին¸ բացառությամբ այն դեպքերի¸ եթե դրանք անցկացվում են հեռակա կարգով։
· Դադարեցվում են ցանկացած արտասահմանյան գործուղումները և հյուրընկալումներն արտերկրից¸
Գրասենյակի գործունեությունը կազմակերպվելու են գերազանցապես հեռակա կարգով։
Գրասենյակի աշխատանքների կազմակերպման համար սահմանվում են հատուկ ներքին հրահանգներ։
Իրավիճակի փոփոխության հետ կապված կընդունվեն համապատասխան լրացուցիչ որոշումներ։
Հաշվի առնելով¸ որ տեղական իշխանությունները գտնվում են բնակչության հետ շփման ինտենսիվ ու խաչվող դիրքում¸ նվազեցնելու համար համաճարակի տարածման հնարավորությունը.
Համայնքների ղեկավարներին ու համայնքապետարաններին կոչ ենք անում
համայնքապետարաններում սահմանել շփման խստագույն կանոններ¸
համայնքապետարանները հագեցնել հիգենայի անհրաժեշտ միջոցներով՝ աշխատակիցների ու այցելող քաղաքացիների համար։