ԵԽ Կոնգրեսի 34-րդ նստաշրջանի ընթացքում, որ տեղի ունեցավ սոււյն թվականի մարտի 27-28-ին Ստրասբուրգում, Կոնգրեսի նախագահ Գուդրուն Մոսլեր-Թորնսթրոմը և Եվրոպայի ռեգիոնների կոմիտեի նախագահ Կարլ-Հայնց-Լամբերտցը ստորագրեցին վերանայված համագործակցության համաձայնագիր, որը պետք է փոխարինի 2009թ.-ին ստորագրված համաձայնագրին:

Կոնգրեսի անդամները տեսակետներ փոխանակեցին Ռեգիոնների կոմիտեի և Կոնգրեսի միջև համագործակցության վերաբերյալ: Երկու կառույցները համագործակցում են ապակենտրոնացման և տարածքային կառավարման հանդեպ քաղաքացիների վստահության բարելավման ուղղությամբ: Կողմերը ոլորտում ստեղծել են պրակտիկ համագործակցություններ: Դա արվել է համագործակցային ծրագրերի միջոցով Արևելյան գործընկերության և Հարևանության շրջաններում, ինչպիսին է Հվ. Միջերկրածովյան շրջանը:  Ներկայումս, նոր մարտահրավերներին ի պատասխան, երկու կառույցները առանձնացնում են համագործակցության առաջնային ոլորտներ՝ միգրանտների ինտեգրացիա, պայքար արմատականացման դեմ, արդյունավետ կառավարման ամրապնդում, կոռուպցիայի դեմ պայքար և մարդու իրավունքների պաշտպանություն: Տկն. Մոսլեր-Թորնսթրոմը ողջունեց պրն. Լամբերտցի  նախաձեռնությունը՝ կազմակերպելու մտքերի փոխանակում եվրոպայի մեծ ասոցիացիաների ղեկավարների հետ՝ ուժերը համախմբելու և գործառնական հստակ գործողություններ իրականացնելու համար: Կոնգրեսի նախագահը նաև առաջարկեց Ռեգիոնների կոմիտեին՝ օգտագործել իր դերը և դիրքը՝ «բազմամակարդակ կառավարումը» ԵՄ կառույցների օրակարգ մտցնելու հարցում՝ նպատակ ունենալով քաղաքացիներին ևս ներգրավել ընդհանուր Եվրոպայի զարգացման գործում:

Աղբյուրը՝ https://www.coe.int/en/web/congress/home