«Տեղական և ռեգիոնալ իշխանությունները Եվրոպայի խորհրդի աշխատանքի շատ կարևոր մասն են կազմում մայրցամաքում մարդու իրավունքների, օրենքի գերկայաության և ժողովրդավարության ընդլայնման հարցում»,-նշել է Եվրոպայի խորհրդի Գլխավոր քարտուղար Թորբյորն Յագլանդը՝ մարտի 28-ին Կոնգրեսի 32-րդ նստաշրջանի ընթացքում։

- Կոնգրեսը ընդունել է Մարդու իրավունքների Գործողությունների պլան՝ ուշադրություն հրավիրելու այն հարցի վրա, թե ինչ կարող են անել տեղական և ռեգիոնալ իշխանությունները: Շատ ուրախ եմ այս Գործողությունների պլանի համար, քանի որ հիմա մենք մոբիլիզացնում ենք մեր ուժերը՝ Մարդու իրավունքների եվրոպական կոնվենցիային տեղական և ռեգիոնալ մակարդակներում աջակցելու համար: Կոնվենցիայի ամրապնդման միակ եղանակը պարտավորությունների կիսումն է տեղական մակարդակի հետ»,-նշել է Յագլանդը։ Նա ընդգծել է Կոնգրեսի կարևոր դերը Եվրոպայի առջև ծառացած խնդիրներին կոնկրետ արձագանքելու հարցում, մասնավորապես, միջմշակութային հարցերը և միգրանտների ինտեգրացիայի խթանումը: Նա ընդգծել է տեղահանված անձանց քվեարկելու իրավունքի ապահովման անհրաժեշտությունը և ուշադրություն է հրավիրել միայնակ փախստական երեխաների կարգավիճակի վրա, ովքեր «բոլորից շատ պաշտպանության և կրթության կարիք ունեն»:

Աղբյուրը՝ http://www.coe.int/t/congress/default_FR.asp?