Մայիսի 30-ին տեղի ունեցած ԵԽ Կոնգրեսի Կառավարման հանձնաժողովի հերթական նիստի ընթացքում Անտյե  Գրոտյեերը ներկայացրեց զեկույցի նախագիծ՝ «Թափանցիկություն և բաց տեղական կառավարում» թեմայով: Ըստ զեկուցողի՝ հիմնական երեք պայմաններ են պահանջվում կառավարությունից բաց և ավելի արդյունավետ լինելու համար՝ թափանցիկություն, մասնակցություն և հաշվետվողականություն:

Կոնգրեսի զեկույցը ներկայացնում է շրջանակ, որով կարող են հետազոտվել բաց կառավարման սկզբունքները, մեխանիզմները և նախաձեռնությունները: Զեկույցն ընդգծում է նաև ավելի մեծ թափանցիկության, ավելի արդյունավետ կառավարման, ավելի լավ որոշւմների կայացման, հանրային վստահության, նվազեցված կոռուպցիայի և ավելի արդյունավետ հանրային ծառայությունների օգուտները: Այն նաև նշում է 5 գործառույթներ, որոնցով բաց կառավարությունը կարող է կիրառվել՝ բյուջետավորում, պայմանագրերի կնքում, օրենքի ընդունում, քաղաքականության ընդունում և ծառայությունների մատուցում:

 Տեղական և ռեգիոնալ իշխանությունները խրախուսվում են իրականացնել բաց կառավարման չափանիշները և բարձրացնել թափանցիկության կարևորության վերաբերյալ իրազեկվածությունը իրենց կառավարություններում: Ազգային մակարդակում անդամ երկրները հրավիրվում են հաստատելու բաց  կառավարման ընդհանուր չափանիշներ, խրախուսելու, որ տեղական և ռեգիոնալ իշխանւթյունները հրապարակեն հիմնական փաստաթղթեր, ինչպես նաև աջակցեն հանրային խորհրդակցության գործընթացներին և թափանցիկության միջոցառումների արդյունավետ մոնիթորինգին ու իրականացմանը:

«Մենք վստահ են, որ բաց կառավարումը և թափանցիկությունը տեղական կառավարման համար ավելի ժողովրդավարական դառնալու հնարավորություն են»,- եզրափակել է զեկուցողը:

Զեկույցը հաստատման համար քննարկման կդրվի սույն թվականի նոյեմբերին կայանիք Կոնգրեսի 35-րդ նստաշրջանի ընթացքում:

Աղբյուրը՝ https://www.coe.int/en/web/congress/-/transparency-and-open-local-government