Հուլիսի 15-ին տեղի ունեցավ «Տեղական ինքնակառավարման արդիական իրավական հիմնահարցերը ՀՀ-ում» թեմայով առցանց վեբինար:

Վեբինարը վարեց փորձագետ, իրավաբանական գիտությունների թեկնածու Վահագն Պետրոսյանը:

Վեբինարներին մասնակցեցին տասնյակ համայնքի ղեկավարներ, ավագանու անդամներ,  համայնքային ծառայողներ և շահագրգիռ այլ անձինք:

Փորձագետ, իրավաբանական գիտությունների թեկնածու Վահագն Պետրոսյանը մանրամասն ներկայացրեց, թե ինչ սահմանադրական փոփոխություններ են տեղի ունեցել, անդրադարձ կատարեց ՏԻՄ-երի լիազորություններին, ընտրվելու կարգին: Մասնակիցներին իրազեկեց նաև ինչ փոփոխություններ են տեղի ունեցել ՀՀ ընտրական օրենսգրքում, ինչպե՞ս են այսուհետ ընտրվելու համայնքի ղեկավարները, համայնքների ավագանու անդամների հետ կապված ի՞նչ փոփոխություններ են կատարվել, ո՞ր համայնքների վրա է տարածվելու ավագանու համամասնական ընտրությունը:

Այնուհետև պատասխանեց մասնակիցների հարցերին:

Այն կազմակերպեց  Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացվող «Համագործակցություն քաղաքների կայուն զարգացման ուղղությամբ. ընդհանուր մարտահրավերներ, ընդհանուր լուծումներ» ծրագրի շրջանակներում:

Ծրագրի գործընկերներն են Լեհաստանի քաղաքների ասոցիացիան, Սլովակիայի քաղաքների միությունը, Հունգարիայի տեղական իշխանությունների ազգային ասոցիացիան, Չեխիայի Ռադլոյի քաղաքապետարանը:

Ծրագրի նպատակն է աջակցել համայնքներին քաղաքական պաշտոնյաների և աշխատակազմերի կարողությունների զարգացման հարցում:

Նշենք, որ Միությունը հուլիսի 15-ից օգոստոսի 25-ը իրականացնում է վեբինարներ համայնքի ղեկավարների, ավագանու անդամների,  համայնքային ծառայողների և շահագրգիռ այլ անձանց համար:

Վեբինարների ընթացքում բարձր ակտիվություն և նախաձեռնողականություն դրսևորած ծրագրի կողմից ընտրված մասնակիցները ճանաչողական այցով կմեկնեն Լեհաստան՝ ուսումնասիրելու տեղական փորձը: