Գորիսը՝ 2018-ի ԱՊՀ մշակութային մայրաքաղաք
13.07.2018
«Համագործակցության մշակութային մայրաքաղաքներ» միջպետական ծրագրի կանոնակարգով՝ Հայաստանը 2016 թվականի դեկտեմբերին ԱՊՀ գործադիր կոմիտեին առաջարկություն էր ներկայացրել՝ Սյունիքի մարզի Գորիս համայնքը 2018 թվականի ԱՊՀ մշակութային մայրաքաղաք հայտարարելու վերաբերյալ:
Հայկական կողմի առաջարկությունը հաստատվեց 2017-ի հոկտեմբերի 11-ին՝ Սոչիում կայացած ԱՊՀ երկրների արտաքին գործերի նախարարությունների ներկայացուցիչների նիստում:
«Գորիսը՝ 2018-ի ԱՊՀ մշակութային մայրաքաղաք» միջպետական ծրագիրը մեկնարկեց «Զանգեր» հուշարձանի բացման արարողությամբ:
Հուշարձանի հեղինակ Սեւադա Զաքարյանի խոսքով՝ Սյունիքի խորհրդանիշներից մեկի`«Զանգերը» վերակառուցելու միտքն առաջացել է դեռեւս նախորդ տարվա դեկտեմբերին. «Զանգերը» ոչ միայն Սյունիք-Արցախ մայրուղու վրա վեր խոյացող խորհրդանիշ է, այլեւ հանգստի գոտի, որը մինչեւ այսօր անտարբեր չի թողել ոչ մի զբոսաշրջիկի»:
Ծրագրի շրջանակներում անցկացվեց «Արթ Էքսպո» («Art Expo»)՝ ժամանակակից արվեստի, արհեստագործության եւ ձեռարվեստի ցուցադրություն-տոնավաճառ, պաշտոնական արարողությանը հաջորդեց սրճարան-գրախանութի բացման արարողությունը, որը հնարավորություն կտա մարզաբնակ երիտասարդներին իրենց ժամանցն անցկացնել մշակութային միջավայրում:
Քարահունջ համայնքում տեղի ունեցավ «Թթի փառատոնը»՝ ժողովրդական երգ ու պարի ուղեկցությամբ: Տոնական օրն ամփոփվեց ԱՊՀ սիմֆոնիկ նվագախմբի համերգով. հատուկ «Գորիսը` 2018-ի ԱՊՀ մշակութային մայրաքաղաք» ծրագրի համար ստեղծված նվագախմբում ելույթ ունեցան Ռուսաստանի, Ուզբեկստանի, Ղազախստանի, Մոլդովայի, Բելառուսի, Ղրղզստանի, Տաջիկստանի, Թուրքմենստանի եւ Հայաստանի երաժիշտները: ԱՊՀ սիմֆոնիկ նվագախումբը ղեկավարում էր Հայաստանի ազգային ֆիլհարմոնիկ նվագախմբի գեղարվեստական ղեկավար, ՀՀ արվեստի վաստակավոր գործիչ, մաեստրո Էդուարդ Թոփչյանը: Մշակութային երեկոն եզրափակվեց ԱՊՀ երկրների DJ fest-ով:
Տոնական հաջորդ օրը Գ. Տաթեւացու անվան հրապարակը ողողված էր էստրադային-ջազ մեղեդիներով. առիթը Կոստանտին Օրբելյանի ծննդյան 90-ամյակին նվիրված հիանալի համերգն էր:
ՀՀ մշակույթի նախարար Լիլիթ Մակունցի համոզմամբ՝ այն, որ հենց Գորիսն է հռչակվել ԱՊՀ մշակութային մայրաքաղաք, հնարավորություն է ներկայացնել Գորիսի հիանալի ճարտարապետությունը, մշակույթը, բնապատկերները:
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
19:09
26 10 2023
Congress expresses deep concern over humanitarian situation in Karabakh and neighbouring cities...
16:11
24 10 2023
The Congress of Local and Regional Authorities of Council of Europe has renewed its presidency...
23:47
22 10 2023
The Congress of Local and Regional Authorities of the Council of Europe will hold its 45...
22
Nov
26
Oct
25
Oct