Ֆրանսիայի գյուղական համայնքների ղեկավարների ասոցիացիայի պատվիրակությունը նոյեմբերի 8-ից12-ը հյուրընկալվեց Երևանում Հայաստանի համայնքների միության  քսանամյակի և Հայաստանում  տեղական ինքնառավարման համակարգի ներդրման 21-ամյակի կապակցությամբ, ինչպես նաև Հայաստանում տեղական ժողովրդավարության վերաբերյալ համաժողովին մասնակցելու համար :

«Տեղական ժողովրդավարությունը Հայաստանում. Հայացք ապագային. ապակենտրոնացման նոր օրակարգ» խորագրով համաժողովը կազմակերպվել էր Հայաստանի համայնքների միության, Եվրոպայի Խորհրդի, ԵԽ տեղական և տարածքային իշխանությունների կոնգրեսի,  Շվեյցարիայի զարգացման և համագործակցության գործակալության և ՀՀ տարածքային կառավարման և զարգացման նախարարության համատեղ ջանքերով:

 ՀՀՄ-ը և Ֆրանսիայի գյուղական համայնքների ղեկավարների ասոցիացիան, թարմացրեցին 2015թ. ստորագրած  համագործակցության  համաձայնագիրը՝ նախապատվություն տալով կենտրոնացնել իրենց համատեղ գործողությունները հետևյալի շուրջ.

• Գյուղական զարգացում  (գյուղատնտեսություն, խաղողագործություն, զբոսաշրջություն) ;
• Գյուղական համայնքների կառավարում (ջրամատակարարում, աղբահանություն, կենցաղային թափոնների կառավորում, ժառանգության արժևորում) ;
• Տեղական ժողովրդավարություն (ժողովրդավարական գործունեություն,  քաղաքացիական  մասնակցություն և պատասխանատվություն) ;
• Աջակցություն  երեխաներին և երիտասարդներին (արվեստագիտության և կրթության բնագավառում գործունեություններ, ֆրանկոֆոնիայի զարգացում) ;
• Տեղական իշխանությունների միությունների կառավարում և գործունեություն :