«Քաղաքների միջև անդրսահմանային համագործակցությունն ու համերաշխությունը վճռորոշ նշանակություն ունի ճգնաժամերի ժամանակ։ Քաղաքներն ու ռեգիոններն ունեն արժեքավոր փորձ, որը կարելի է օգտագործել միգրանտների երկարաժամկետ ինտեգրման քաղաքականության, ինչպես նաև ներառական հասարակություններ կառուցելու համար»,- Եվրոպայի խորհրդի խորհրդարանական վեհաժողովի միգրացիայի հանձնաժողովի նիստի ժամանակ Փարիզում հայտարարել է Եվրոպայի խորհրդի տեղական և տարածքային իշխանությունների կոնգրեսի Տեղական իշխանությունների պալատի նախագահ Բերն Վոհրինգերը։

Հիշեցնենք՝ ԵԽ Կոնգրեսն ընդունել է բանաձև կին և երեխա միգրանտների ընդունման վերաբերյալ՝ շեշտելով, որ աճող աշխարհաքաղաքական ճնշումներն ու մարդու իրավունքների խախտումները կարող են պատճառ դառնալ աճող միգրացիայի։

Նա կրկնեց կարևորությունը կառուցել ուժեղ երկխոսություն և ապահովել արդյունավետ համակարգում տեղական և տարածքային իշխանությունների, ազգային ասոցիացիաների, ինչպես նաև կենտրոնական իշխանությունների և այլ եվրոպական երկրների գործընկեր կազմակերպությունների միջև միգրացիային վերաբերող հարցերի շուրջ։

Օրինակ բերելով Կոնգրեսի «Քաղաքաները քաղաքներին» հարթակը՝ Բերն Վոհրինգերը նշեց, որ սա լավ օրինակ է համայնքների համերաշխության ու այս ուղղությամբ փորձաքննության փոխանակման առումով։