Եվրոպայի խորհրդի տեղական և տարածքային իշխանությունների կոնգրեսը մշակել է ռազմավարություն համաճարակի պայմաններում տեղական ժողովրդավարության հետ կապված մարտահրավերները հաղթահարելու համար:

ԵԽ Կոնգրեսի Մոնիտորինգի հանձնաժողովն ընդունել է ճգնաժամային իրավիճակներում Տեղական ինքնակառավարման եվրոպական խարտիայի դրույթների իրագործումը թեմայով զեկույց:

Կոնգրեսի ընդունած փաստաթղթում հատուկ շեշտվում է հատկապես ճգնաժամային իրավիճակներում Խարտիայի դրույթների պահպանումը և տեղական իշխանությունների դիմացկունությունը:

COVID-19 համավարակի պատճառով տեղի է ունեցել լիազորությունների կենտրոնացում՝ ի վնաս տեղական ինքնավարության:

ԵԽ Կոնգրեսը անդամ երկրների ազգային իշխանություններին հոդորում է ապահովել պատշաճ խորհրդակցական մեխանիզմներ տեղական իշխանությունների հետ և հատկացնել տեղական իշխանություններին համարժեք ֆինանսական ռեսուրսներ, ձեռնպահ մնալ ավելորդ վերահսկողությունից և հաստատել ուժեղ քաղաքական երկխոսություն Կոնգրեսի հետ:

Միևնույն ժամանակ ԵԽ Կոնգրեսի համազեկուցողները նկատել են, որ որոշ դեպքերում համավարակը նպաստել է բազմամակարդակ կառավարման ամրապնդմանը: Նաև հորդորել են տեղական իշխանություններին օգտագործել այն էլեկտրոնային հմտությունները, որոնք տեղական իշխանությունները ձեռք են բերել համավարակի օրերին և այն օգտագործել քաղաքացիների՝ տեղական որոշումների կայացման գործում քաղաքացիների ավելի ակտիվ մասնակցության ապահովման հարցում: