Ստրասբուրգում մարտի 23-24-ին անցկացվել է Եվրոպայի խորհրդի տեղական ու տարածքային իշխանությունների կոնգրեսի (Կոնգրես) 40-րդ լիագումար նստաշրջանը: Կոգրեսն առաջիկա հինգ տարիների համար սահմանել է իր առաջնահերթությունները: 

Կոնգրեսը ուշադրություն կդարձնի ՄԱԿ-ի Կայուն զարգացման նպատակների իրագործման հարցում տեղական և տարածքային իշխանությունների աջակցության հարցում՝ ապահովելով.

• ճկուն հասարակություններ. արդյունավետ արձագանք հանրային առողջության ճգնաժամին,
• ժողովրդավարական հասարակություններ. ներկայացուցչական ժողովրդավարության որակը և քաղաքացիների մասնակցությունը,
• համախմբված հասարակություններ. անհավասարությունների նվազեցում,
• կայուն հասարակություններ. բնապահպանական խնդիրներ և կլիմայական գործողություններ,
• թվային հասարակություններ. թվայնացումն ու արհեստական բանականությունը՝ տեղական մակարդակում:

Կոնգրեսի անդամները նաև շեշտել են տեղական իշխանությունների դերակատարությունը հետճգնաժամային վերակենդանացման փուլում: Ինչպես նաև կարևորել են Տեղական ինքնակառավարման եվրոպական խարտիայի դրույթներին հավատարիմ մնալը, մասնավորապես ապահովել տեղական ժողովրդավարությունը և տեղական ինքնակառավարման կայունությունը: