Սեպտեմբերի 4-10-ը Ռումինիայի Բրաշով քաղաքում տեղի կունենա Կանաչ քաղաքների ֆորում-2023-ը։ Այն առանցքային բնապահպանական միջոցառում է, որի ընթացքում մեկ շաբաթ Բրաշովը կդառնա կանաչ մայրաքաղաք։ Բնապահպանական այս կարևոր միջոցառումը կանցկացվի Քաղաքապետերի դաշնագիր՝ Արևելք և Կանաչ քաղաքների համաձայնագիր նախաձեռնությունների հետ համատեղ։

Միջոցառմանը կմասնակցեն ավելի քան 300 տեղական ներկայացուցիչներ ամբողջ աշխարհից և Եվրոպայից։ Զեկույցներով հանդես կգան բնապահպանական հանրային քաղաքականության ոլորտի ավելի քան 20 փորձագետներ, մասնավոր ընկերությունների գործադիր տնօրեններ։ Բրաշովի բնակիչներն ու զբոսաշրջիկները կմասնակցեն ցանցային նիստերին, փորձագետների կողմից կազմակերպվող սեմինարներին, կլոր սեղան-քննարկումներին։ Միջոցառումը լավ հարթակ կդառնա լավագույն փորձի փոխանակման և հաջողված մոդելների ներկայացման համար։

Ֆորումի ընթացքում կկազմակերպվի քննարկում բնապահպանական հանրային քաղաքականության վերաբերյալ, կանաչ անցմանը խթանելու՝ քաղաքապետարանի և նրանց գործընկերների կողմից նախաձեռնված գործունեության ցուցադրությանը նվիրված  միջոցառումներ, կլոր սեղաններ, որոնց ընթացքում հիմք կդրվեն տարբեր գործընկերությունների, կուրվագծվեն գաղափարներ։

Ավելին այստեղ