«Տեղական և տարածքային ժողովրդավարությունը Վրաստանում» զեկույցի քննարկում՝ ԵԽ Կոնգրեսում
08.11.2018
Ստրասբուրգում Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանի ընթացքում նոյեմբերի 8-ի լիագումար նիստի ընթացքում քննարկվեց հույն պատվիրակ Միխայել Անգելոպոլոսի և Մեծ Բրիտանիան ներկայացնող պատվիրակ Ստյուարդ Դիկսոնի հեղինակած «Տեղական և տարածքային ժողովրդավարությունը Վրաստանում» զեկույցը:
Իր ելույթում Ստյուարդ Դիկսոնը հայտարարեց. «Ես եկել եմ այն եզրահանգման, որ Վրաստանում տեղական և տարածքային ժողովրդավարության մակարդակն ընդհանուր առմամբ գոհացնող է»:
Զեկույցը պատրատվել է Վրաստան երրրոդ մոնիտորինգային այցից հետո:
Զեկույցում ամրագրված է զգալի առաջընթաց Վրաստանում տեղական ժողովրդավարության զարգացման հարցում: Փաստաթղթում կարևորվում են Վրաստանի կողմից կատարված այնպիսի գործողությունները, ինչպիսիք են տեղական կառավարման ապակենտրոնացման և արդիականացման համապարփակ բարեփոխումների ռազմավարության մշակումը, համայնքապետերի ուղղակի ընտրությունը, տեղական ինքնակառավարման ֆինանսական կարողության և Աջարիայի Ինքնավար Հանրապետության սահմանադրական կարգավիճակի ամրապնդումը, Վրաստանի տեղական իշխանությունների ազգային ասոցիացիայի (NALAG) ներկայացուցչական դերի պաշտոնական ընդունումը:
Այնուամենայնիվ, զեկույցի հեղինակները մտահոգություն են հայտնում, որ ընդդիմության մի շարք ներկայացուցիչների՝ տեղեկություն ստանալու իրավունքը սահմանափակվում է, երբ ցանկանում են տեղեկություններ ստանալ համայնքային վարչակազմից: Զեկույցում ամրագրված մյուս մտահոգությունն այն է, որ երբեմն կա վտանգ, որ իշխանությունը կկենտրոնանա համայնքի ղեկավարի ձեռքում նաև այն տեսանկյունից, որ նա է նշանակում համայնքի ղեկավարի տեղակալներին:
Զեկույցի առաջարկություններ և պահանջներ բաժնում ամրագրված է. «Անհրաժեշտ է ձեռնարկել տարբեր միջոցառումներ՝ ուղղված իշխող և ընդդիմադիր կուսակցությունների միջև վստահության վերականգմանը»:
Մյուս առաջարկը վերաբերում է ֆինանսական համահարթեցմանը: Զեկույցում ամրագրված է. «Առաջարկում ենք բարելավել ֆինանսական համահարթեցման բանաձևը և շարունակել տարածքային համաչափ զարգացմանն ուղղված ջանքերը»:
Զեկույցում նաև կոչ է արվում Վրաստանի իշխանություններին վավերացնել Խարտիայի այն դրույթները, որոնք փաստացի կիրառվում են Վրաաստանում և դեռ չեն վավերացվել, ինչպես նաև ստորագրել և վավերացնել Խարտիայի լրացուցիչ արձանգրությունը՝ տեղական իշխանությունների գործողություններին մասնակցություն ունենալու իրավունքի առումով:
Զեկույցում ամրագրված մյուս հորդոր-պահանջը վերաբերում է համայնքների լիազորություններին: Փաստաթղթում ամրագրված է. «Մի շարք լիազորություններ փոխանցվել են համայնքապետարաններին, օրինակ՝ ջրամատակարարումը, սակայն դրանք ամբողջական և բացառիկ չեն: Ոլորտային օրենսդրությունը դեռ չի համապատասխանում կառավարության`ապակենտրոնացման քաղաքականությանը և օրենսդրության վերանայման ու ներդաշնակեցման գործընթացը դանդաղ է:
Զեկույցում ամրագրված է՝ կա նաեւ անհրաժեշտություն հետագայում բարելավել իրավական՝ մասնավորապես ոլորտային օրենսդրությունը, որպեսզի հեշտացվի ու խթանվի միջգերատեսչական համագործակցությունը:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ