ԵՄ կայուն էներգիայի շաբաթվա ընթացքում Սևանում կանցկացվեն մի շարք միջոցառումներ
19.06.2023
Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի անցկացվում է հունիսի 20-ից մինչև 22-ը՝ «Մաքուր էներգիային անցման արագացում՝ ծախսերի նվազեցման և հմտությունների զարգացման նպատակով» խորագրի ներքո:
Սևան համայնքն արդեն 3-րդ տարին է, ինչ միանում է Կայուն էներգիայի շաբաթվան` ԵՀ «Քաղաքապետերի դաշնագիր՝ Արևելք» ծրագրի ներքո:
Կայուն էներգիայի շաբաթվա շրջանակներում սևանցիներին հրավիրում ենք մասնակցելու սենյակային, դեկորատիվ բույսերի ցուցահանդես-փառատոնի, որն անցկացվելու է հունիսի 25-ին Սևանի Ս. Զաքարյանի անվան մշակույթի պալատի ճեմասրահում ։
Այսօր շատերն են իրենց բնակարանում ստեղծում փոքրիկ դրախտավայր՝ աճեցնելով տարրատեսակ սենյակային բույսեր։ Եթե դուք պատրաստ եք զարմացնել, ոգևորել, տալ խորհրդատվություն, փոխանակել, նվիրել կամ վաճառել ձեր դրախտավայրի գեղեցկուհիներին, ապա բաց մի թողեք այս միջոցառումը։ Եկեք միասին ստեղծենք նոր դրախտավայրեր։ Թող սևանյան ցրտաշունչ ձմեռներում բոլորի տներում ծաղկառատ գարուն լինի։ Սենյակային բույսեր բազմացնելը և մշակելը պահանջում է հմտություն, նվիրում և սեր։
Գուցե հենց այս փառատոնում գտնեք ձեր փնտրած ծաղիկը եւ ստանաք խորհրդատվություն։
Շատ բույսեր աճեցնելով բնակարաններում՝ մենք ստեղծում ենք պաշտպանող, բուժող, մաքրող ազդեցություն, իհարկե ստանալով գեղագիտական հաճույք։
Մասնակցության համար խնդրում ենք գրանցվել մինչև հունիսի 24-ը` այցելելով Սևանի Ս. Զաքարյանի անվան մշակույթի պալատ կամ զանգահարել 077-10-17-75 հեռախոսահամարով:
Սիրով հրավիրում ենք բոլորին` մասնակցելու այս ինքնատիպ ցուցադրությանը` հունիսյան օրը դարձնելով առավել հետաքրքիր, լի էներգիայով և հիշարժան պահերով:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ