Հանրույթը ձևավորվել է մարտի 4-ին անցկացված «Քաղաքական բարեվարքությունը և էթիկան տեղական կառավարման համակարգում» խորագրով համաժողովի շրջանակներում: Այն ձևավորվել է «Հայաստանի համայնքների միության ինստիտուցիոնալ կարողությունների ամրապնդում և Հայաստանում թափանցիկ և մասնակցային տեղական ինքնակառավարման խթանում» ծրագրի շրջանակներում, որն իրականացվում է Եվրոպայի խորհրդի  Տեղական և տարածքային իշխանությունների կոնգրեսի և Եվրոպայի խորհրդի երևանյան գրասենյակի կողմից՝ Եվրոպայի խորհրդի Հայաստանի համար իրականացվող գործողությունների 2019-2022թ.թ. ծրագրի շրջանակներում:

Փորձագիտական հանրույթի առաջին հանդիպման ընթացքում ձևավորվեցին թեմատիկ խմբեր: Նրանք փորձագետների օգնությամբ քննարկեցին և մշակեցին անհրաժեշտ թեմատիկ գործիքներ:

Նշենք, որ փորձագիտական հանրույթը կենտրոնական և տեղական իշխանությունների միջև երկխոսության և գործնական խորհրդակցությունների յուրօրինակ ձև է: Նպատակն է հանդես գալ որպես ազգային բարեվարքության և կոռուպցիայի դեմ պայքարի քաղաքականության  ռազմավարական տեղայնացման և Հայաստանի տեղական իշխանությունների կողմից դրանց կիրառման առանցքային խումբ: