Անտոնի Բյուկենենը ԵԽ Կառավարման հանձնաժողովին ներկայացրեց զեկույց՝ «Պարտքի խոչընդոոտի հաղթահարման» վերաբերյալ: «Տեղական իշխանությունների ֆինանսական բավարար ռեսուրսների իրավունքը Եվրոպական խարտիայի բաղկացուցիչ մասն է կազմում, մասնավորապես, հոդված 9-ը: Այս հոդվածը ներկայացնում է նաև համամասնության սկզբունք: Ցանկացած պարտականության փոխանցում պետք է ուղեկցվի նոր լիազորություններին համապատասխան ռեսուրսների և ծառայությունների փոխանցմամբ»,-նշել է նա:

«Տեղական հարկերը նույնպես տեղական իշխանության ֆինանսական ինքնիշխանության կարևոր տարր են, քանի որ տեղական հարկերը հիմնականում թույլ են տալիս համայնքներին բարձրացնել եկամուտները՝ իրենց որոշումներին և քաղաքականություններին համապատասխան: Տեղական իշխանության եկամուտ ստեղծելու կարողությունը, հետևաբար, նրանց ֆինանսական ինքնիշխանության հիանալի ցուցիչ է»:

Պրն. Բյուկենենը նշեց, որ ԵԽ որոշ երկրներում տեղական իշխանությունների ֆինանսական կարողությունը խիստ սահմանափակ է, և նրանցից ոմանք դեռևս համայնքային բավարար ֆինանսների սկզբունք չունեն երաշխավորում: «Անդամ 6 երկրներում մենք տեսանք, որ նույնիսկ որտեղ տեղական իշխանությունները ազատ են ծառայություններ մատուցելու կամ տեղական մակարդակում եկամուտներ տնօրինելու հարցում, դրանք, այնուամենայնիվ, բավարար չեն ծառայությունների ծախսերը փակելու համար՝ դրանով լինելով համամասնության սկզբունքին դեմ»,-ավելացրեց նա:

Կառավարման հանձնաժողովի հաստատած առաջարկությունը անդամ երկրներին կոչ է անում ընդունել տեղական իշխանությունների ֆինանսական ինքնիշխանության ընդհանուր ընկալում և ապահովել, որ Խարտիայի 9-րդ հոդվածը կիրառվի: Այն կքննարկվի և կդրվի հաստատման նոյեմբերին կայանալիք Կոնգրեսի 35-րդ նստաշրջանի ընթացքում:

Աղբյուրը՝https://www.coe.int/en/web/congress/-/the-full-implementation-of-the-charter-a-guarantee-for-adequate-financial-resources