Ավարտվեց ‹‹ԵՄ կայուն էներգիայի շաբաթ 2020››-ը, որին Աբովյան համայնքը մասնակցում էր առցանց ֆոտոմրցույթով և վիկտորինայով:

Ծրագրին մասնակցում էին քաղաքապետերի դաշնագրին անդամակցող համայնքները և այդ նպատակով կազմակերպում կանաչ և կայուն զարգացմանը նվիրված հանրության իրազեկման տարբեր միջոցառումներ:
Համավարակի պատճառով այս տարի ծրագրերն իրականացվեցին առցանց տարբերակով: Աբովյանի համայնքապետարանի կողմից անցկացված ֆոտոմրցույթը կրում էր ‹‹Իմ համայնքը՝ պատուհանից›› անվանումը:
Համայնքապետարանի պաշտոնական էլեկտրոնային հասցեին ուղարկվեցին լուսանկարներ, որոնք տեղադրվեցին ֆեյսբուքյան հարթակում: Առավելագույն հավանություն ստացած 3 լուսանկարների հեղինակներին հատուկ մրցանակներ էին սպասվում:
Հուլիսի 6-ին առաջին տեղը զբաղեցրած մասնակիցը պարգևատրվեց ԵՀ ‹‹Քաղաքապետերի դաշնագիր՝ Արևելք ›› (CoM East)-ի կողմից սահմանված մրցանակով, մյուս 2 մասնակցին Աբովյանի համայնքապետարանը պարգևատրեց խորհրդանշական նվերներով և պատվոգրերով:
Իսկ «Ճգնաժամից դուրս մաքուր էներգիա կանաչ վերականգնման և աճի համար» խորագրով առցանց վիկտորինայի հաղթող մասնակիցներից մեկին համայնքապետարանը պարգևատրեց խրախուսական նվերով: